આઈસીસીએ હાલમાં એક ટેસ્ટ રેકિંગ લિસ્ટ જાહેર કર્યું છે. જેમાં જસપ્રીત બુમરાહ દુનિયાના નંબર 3 બોલર બન્યા છે. ટેસ્ટ ક્રિકેટમાં દુનિયાના બેસ્ટ બોલર્સના આ ખાસ લિસ્ટમાં બુમરાહનું નામ સામેલ છે. તે ફક્ત 2 બોલર્સ એટલે કે ઓસ્ટ્રેલિયાના પેંટ કમિંસ અને આફ્રિકાના કૈગિસો રબાડાથી પાછળ છે.
જસપ્રીત બુમરાહે પોતાના ટેસ્ટ ડેબ્યૂના 606 દિવસોમાં જ પહેલી વાર ટેસ્ટ રેંકિંગમાં ત્રીજું સ્થાન મેળવી લીધું છે જે દર્શાવે છે વર્લ્ડ ક્રિકેટમાં આ બોલર શા માટે ખાસ છે. બુમરાહ આઈસીસીના ટેસ્ટ રેંકિંગમાં ત્રીજા સ્થાને પહોંચ્યા છે. જ્યારે કરિયર બેસ્ટ 835 પોઈન્ટ પર પહોંચ્યા છે. ઓસ્ટ્રેલિયાના પેંટ કમિંસ નંબર -1 પર છે તેમના 908 પોઈન્ટ છે. 900થી વધારે પોઈન્ટ ધરાવનારા આ એક માત્ર બોલર છે. તો દક્ષિણ આફ્રિકાના કૈગિસો રબાડા 851 પોઈન્ટ નંબરની સાથે બીજા નંબરે છે.
ઉલ્લેખનીય છે કે બુમરાહે ગયા વર્ષે જાન્યુઆરી 2018માં સાઉથ આફ્રિકાની વિરુદ્ધમાં કેપટાનમાં પોતાનું પહેલું ટેસ્ટ ડેબ્યૂ કર્યું અને 606 દિવસમાં જ સૌથી લાંબા ફોર્મેટમાં કામયાબી મેળવી. જસપ્રીત બુમરાહ હાલ સુધી 25 વર્ષના છે અને સાથે નાની ઉમરમાં તેઓએ શાનદાર પ્રદર્શન કર્યું છે. જેના કારણે તેમને મહાન બોલર્સના લિસ્ટમાં સામેલ કરાયા છે.
જસપ્રીત બુમરાહ એ ભારતીય ફાસ્ટ બોલર છે જેઓએ કૈરેબિયાઈ ધરતી પર બે જ ટેસ્ટ રમીને એડી રોર્બટ્સ, મૈલ્કમ માર્શલ અને ઈયના બિશપના કલ્બમાં પોતાનો દમ દેખાડ્યો છે. બુમરાહે વેસ્ટઈન્ડિઝની સામેના બે મેચની ટેસ્ટ સીરિઝમાં 13 વિકેટ મેળવ્યા છે. બીજી ટેસ્ટમાં હેટ્રિક લેનારા ત્રીજા ભારતીય બોલર બન્યા હતા. તેમની પહેલાં હરભરજન સિંહ અને ઇરપાન પઠાણે આ કામ કર્યું હતું. બુમરાહે પહેલી ટેસ્ટમાં 5/7નો સ્કોર કર્યો અને સાથે અન્ય ટેસ્ટની બીજી ઈનિંગમાં તેઓએ 27 રન સાથે 6 વિકેટ લીધી હતી.
ઈજાને કારણે એશેઝથી બહાર રહેલા ઈંગ્લેન્ડના જેમ્સ અંજરસન, દક્ષિણ આફ્રિકાના ફિલેન્ડર, ન્યૂઝીલેન્જના ટ્રેટ બોલ્ટ જેવા બોલર્સને પણ બુમરાહે પાછળ મૂકી દીધા છે. ઉલ્લેખનીય છે કે બુમરાહ હાલ સુધી 12 ટેસ્ટ મેચ રમી ચૂક્યા છે અને તેઓએ 19.24ના રેશિયોથી 2.64ની ઈકોનોમી સાથે 62 વિકેટ લીધી છે. બુમરાહે વેસ્ટ ઇન્ડિઝની વિરુદ્દમાં પાંચ વિકેટ દક્ષિણ આફ્રિકા, ઈંગ્લેન્ડ, ઓસ્ટ્રેલિયા અને વેસ્ટ ઇન્ડિઝ જેવી ટીમોના વિદેશી મેચમાં લીધી છે.