ઑટો / ભારતમાં દર 5 મિનીટે વેચાઈ રહી છે આ કાર, સતત 6 મહિનાથી નંબર 1 પર કબજો

• માર્ચથી લઈને અત્યાર સુધીના આંકડામાં ક્રેટાને સારો પ્રતિસાદ
• સપ્ટેમ્બર મહિનામાં જ 12,325 યુનિટનું વેચાણ થયું
• એપ્રિલ-સપ્ટેમ્બર સુધી પોતાના સેગમેન્ટમાં સૌથી વધુ વેચાયેલી કાર બની ક્રેટા 

કોરોના કાળમાં 16મી માર્ચ 2020ના રોજ નવી ક્રેટા લોન્ચ કરવામાં આવી અને તેના એક અઠવાડિયા પછી જ કોરોના વાયરસને કારણે દેશભરમાં લોકડાઉનની જાહેરાત કરી દેવામાં આવી હતી. પરંતુ લોકડાઉનમાં પણ આ નવી ક્રેટા ખૂબ વેચાઇ હતી. માર્ચથી લઈને હવે આંકડા દર્શાવે છે કે ક્રેટાને ગ્રાહકોનો સારો પ્રતિસાદ મળી રહ્યો છે. 

નવી ક્રેટાની ડીમાન્ડ એવી છે કે આ SUV સતત 6 મહિના (એપ્રિલ-સપ્ટેમ્બર) સુધી પોતાના સેગમેન્ટમાં સૌથી વધુ વેચાયેલી કાર છે. 6 મહિનામાં જ કુલ 46,051 યુનિટનું વેચાણ થયું છે અને સપ્ટેમ્બર મહિનામાં જ 12,325 યુનિટનું વેચાણ થયું જે આ કારનું એક મહિનામાં અત્યાર સુધીનું સર્વશ્રેષ્ઠ પ્રદર્શન છે.

આ કાર હાલમાં ભારતના લોકોમાં કેટલીક લોકપ્રિય થઇ છે તે એ વાતથી જાણી શકાય છે કે કંપનીના જણાવ્યા અનુસાર, નવી ક્રેટાનું બુકિંગ અત્યાર સુધીમાં 1.15 લાખને વટાવી ગયું છે અને છેલ્લા 5 વર્ષમાં 5.2 લાખથી વધુ યુનિટનું વેચાણ થયું છે. એટલે કે, કંપની દર 5 મિનિટમાં એલ હ્યુન્ડાઇ ક્રેટા વેચી રહી છે. 

નવી ક્રેટામાં લૂકમાં ફેરફાર કરવામાં આવ્યો છે અને તેની સાથે ઘણા બધા ફીચર્સ અપડેટ કરવામાં આવ્યા છે. હાલમાં ગ્રાહકોને પહેલી નજરમાં નવી ક્રેટાને પસંદ આવી રહી છે. નવી ક્રેટા SUV 5 એન્જિન-ગિયરબોક્સ કોમ્બીનેશન અને 5 વેરિએન્ટ લેવલમાં ઉપલબ્ધ છે.

જો તમે કિંમતની વાત કરીએ તો બેઝ મોડેલની એક્સ-શોરૂમ કિંમત 9.99 લાખ રૂપિયા છે જ્યારે ટોપ મોડેલની કિંમત 17.20 લાખ રૂપિયા છે. ભારતીય બજારમાં, ક્રેટા કિયા સેલ્ટોસ, એમજી હેક્ટર, મહિન્દ્રા એક્સયુવી 500 અને ટાટા હેરિયર જેવી એસયુવીમાં સ્પર્ધા છે.