'હવે આવું નહીં કરું' / અમદાવાદના યુવકને બે પત્ની રાખવી ભારે પડી, કંટાળીને પત્ની પર છરીથી કર્યો હુમલો, પછી પોલીસ પકડી ગઈ

• અમદાવાદના યુવકને બે પત્નીનો વિવાદ
• પતિએ છરીથી પત્ની પર કર્યો હુમલો
• પોલીસે પતિની કરી ધરપકડ

વેજલપુર પોલીસે પતિ પત્નીના ઝઘડાના વિવાદ વચ્ચે ગુનો નોંધી આરોપીની ધરપકડ કરી છે. તો આરોપીએ હાથ જોડી માફી માંગી. બીજી પત્ની લાવવા ભૂલ સ્વીકારી. કારણ કે તેણે પોલીસની હાજરીમા પત્ની પર છરીથી હુમલો કર્યો અને ઘટના સીસીટીવી કેમેરામા કેદ થઈ. ઘટના એવી છે કે વેજલપુર પોલીસની કસ્ટડીમા જોવા મળતા આ શખ્સનું નામ છે તહેસીમ અલીહુસેન કુરેશી. આમ તો આ શખ્સ ઇલેક્ટ્રોનિક વસ્તુઓના રિપેરીંગનું કામ કરે છે. પરંતુ તેણે જાહેરમાં પોતાની બીજી પત્ની પર છરાથી હુમલો કરતા તેની ધરપકડ કરાઈ છે. શુક્રવારના રોજ પોલીસને મેસેજ મળ્યો હતો કે મસ્તાન મસ્જિદ પાસે એક મહિલાને તેના જેઠ જેઠાણી માર મારે છે, જેથી વેજલપુર પોલીસની ટીમ ઘટના સ્થળે પહોંચી મામલો થાળે પાડવાનો પ્રયાસ જ કરી રહી હતી. તેવામાં અચાનક આરોપી તહેસીમ કુરેશીએ પત્ની પર છરાથી હુમલો કર્યો હતો. જે ઘટનાના CCTV વાયરલ થતા પોલીસે આરોપીની ધરપકડ કરી છે. 

આરોપી તહેસીલ કુરેશીને બે પત્ની છે. બીજી પત્ની આસ્તાનાબાનુ સાથે આરોપીએ પ્રેમલગ્ન કર્યા હતા. એક પત્ની ભાડાના મકાનમા રહે છે જયારે બીજી પત્ની સાથે આરોપી રહે છે. બન્ને પત્નીઓને લઈને તહેસીલ કુરેશી સાથે ઘરકંકાસ ચાલી રહ્યો છે. બીજી પત્નીએ આસ્તાનાબાનુએ અગાઉ પણ પોલીસ ફરિયાદ કરી છે. જેથી ફરી એક વખત પત્નીએ પોલીસને જાણ કરતા આરોપી ઉશ્કેરાઈ ગયો હતો અને પત્નીની હત્યા કરવાના ઈરાદે છરી લઈને પહોંચી ગયો હતો. પરંતુ પોલીસ કોન્સ્ટેબલ દેવરાજભાઈએ વચ્ચે પડીને મહિલાને બચાવીને આરોપીની ધરપકડ કરી હતી.

આ ઘટના પાછળનું કારણ પતિ પત્નીનો પારિવારિક ઝઘડો હોવાનું સામે આવ્યું હતું. જોકે ફરિયાદી મહિલા આરોપીની બીજી પત્ની હોવાથી પોલીસે ઝઘડા પાછળનું સાચું કારણ જાણવા તપાસ શરૂ  કરી છે.