Diwali 2021 / 10 જ મીનિટમાં તૈયાર થઇ જશે બાળકોને ભાવતી ચકરી, દિવાળીમાં મહેમાન પણ થઇ જશે ખુશ

સામગ્રી

1 કપ ચોખાનો લોટ
અડધો કપ ઘઉંનો લોટ
સ્વાદ પ્રમાણે મીઠું
અડધી ચમચી હળદર
2 ચમચી લાલ મરચું
1 ચમચી તલ
3 ચમચી ઘરની મલાઈ
2 ચમચી મોડું દહીં

રીત

સૌથી પહેલાં એક બાઉલ લઈ તેમાં ચોખાનો લોટ અને ઘઉંનો લોટ ચાળી લો. પછી તેમાં સ્વાદ પ્રમાણે મીઠું, અડધી ચમચી હળદર, 2 ચમચી લાલ મરચું, 1 ચમચી તલ, 3 ચમચી ઘરની મલાઈ, 2 ચમચી મોડું દહીં લઈને બરાબર મિક્સ કરી લો. હવે થોડું થોડું પાણી નાખીને પરોઠા જેવો લોટ બાંધી લો. હવે સેવ બનાવવો સંચો લેવો અને તેમાં થોડું તેલ લગાવીને સંચામાં લોટ ભરી દો. સાથે તેલ પણ ગરમ કરવા મૂકી દો. હવે એક ડિશમાં ચકરી પાડી દો અને છેડો સીલ કરી દો. પછી એક એક કરીને ચકરી તેલમાં નાખો અને સ્લો ગેસ પણ ચકરીને ગોલ્ડન થાય ત્યાં સુધી તળી લો. બસ તૈયાર છે ઈન્સ્ટન્ટ ચકરી.