તમારા કામનું / આજે જ જાણી લો Aadhaarને લગતી આ કામની બાબત, નહીં તો થઇ શકે છે મુશ્કેલીમાં વધારો

• આધાર કાર્ડને સૌથી મહત્વનો પુરાવો ગણવામાં આવે છે
• આધારમાં નામ, સરનામું, ફોન નંબર અને ફિંગરપ્રિન્ટ જેવી માહિતી સામેલ
• તમારા આધારનો દુરુપયોગ જાણવા ફોલો કરવા પડશે કેટલાંક સ્ટેપ્સ

આજના દરેક કામમાં દસ્તાવેજી પુરાવા તરીકે આધાર કાર્ડ મોટા ભાગે ફરજિયાત કરી દેવાયું છે. એટલે કે હવે તમારા આધાર કાર્ડને સૌથી મહત્વનો પુરાવો ગણવામાં આવે છે. કારણ કે, તમારા આધાર કાર્ડ (Aadhar Card) માં નામ, સરનામું, ફોન નંબર અને ફિંગરપ્રિન્ટ જેવી મહત્વપૂર્ણ માહિતી સામેલ હોય છે. ત્યારે આવી સ્થિતિમાં, તમારું આધાર કાર્ડ તમારી માટે ખૂબ જ મહત્વનું દસ્તાવેજ બની ગયું છે. પરંતુ જો તમારું આધાર કાર્ડ ક્યાંક ખોવાઈ જાય છે અને તે કોઈ ખોટી વ્યક્તિના હાથમાં આવી જાય છે તો તે લોકો તેનો દુરુપયોગ પણ કરી શકે છે. ત્યારે આખરે તમે કઇ રીતે તે ચેક કરી શકશો કે તમારું આધાર ક્યાંક ખોટી વ્યક્તિના હાથમાં તો નથી આવી ગયું ને...

વર્તમાન સમયમાં આધાર સૌ કોઇની માટે મહત્વનો દસ્તાવેજ

આજના આ વર્તમાન સમયમાં આધાર સૌ કોઇની માટે મહત્વનો દસ્તાવેજ થઇ ગયો છે કે તેનો અનુભવ તમને ત્યારે જ થઇ જતો હોય છે કે, જ્યારે તેની વગર તમારું કોઈ કામ થઈ શકતું નથી. બેન્ક, પીએફ, બિઝનેસ સહિતના લગભગ તમામ જરૂરી કામકાજ માટે આજે આધાર જરૂરી દસ્તાવેજ છે. ત્યારે આવી સ્થિતિમાં તમારી માટે એ જાણવું જરૂરી રહેશે કે શું તમારું આધાર કાર્ડ ક્યાંક ખોટી વ્યક્તિના હાથમાં તો નથી આવી ગયું ને.

તમારું આધાર ક્યાંક ખોટી વ્યક્તિના હાથમાં તો નથી જતું રહ્યું ને, જાણો આ રીતે

જો તમને એવું લાગે છે કે તમારા આધાર કાર્ડનો ઉપયોગ કોઈ અન્ય કરી રહ્યું છે, તો તમે તુરંત તેના વિશે જાણી શકો છો. તમે ઘરે બેઠા જ બિલકુલ સરળતાથી એ જાણી શકશો કે કોઈ અન્ય વ્યક્તિ તો તમારા આધારનો ઉપયોગ નથી કરી રહ્યું ને. તમને જણાવી દઈએ કે, આધારનું સંચાલન કરતી યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) આ સુવિધા પૂરી પાડે છે કે જેના દ્વારા તમે એ બિલકુલ સરળતાથી જાણી શકશો કે તમારા આધારનો ઉપયોગ ક્યાં અને ક્યારે થયો છે.

ફોલો કરો આ સ્ટેપ્સને....

• સૌ પ્રથમ UIDAI ની સત્તાવાર વેબસાઇટ (https://resident.uidai.gov.in/) પર ક્લિક કરો.
• હવે તમારે Aadhaar Services ની નીચે Aadhaar Authentication History વિકલ્પ પર ક્લિક કરવાનું રહેશે.
• હવે જે બોક્સ આવ્યું છે તેની અંદર 12 અંકનો આધાર નંબર એન્ટર કરો.
• હવે 4 અંકનો સુરક્ષા કોડ એન્ટર કરો અને Send OTP પર ક્લિક કરો.
• હવે તમારા રજિસ્ટર્ડ મોબાઈલ નંબર પર એક OTP આવશે.
• OTP લખ્યા બાદ સ્ક્રીન પર એક નવું જ પેજ દેખાશે.
• નવા પેજમાં ઓથેટિકેશન ટાઇપ, સિલેક્ટેડ ડેટ રેન્જ, નંબર ઑફ રેકોર્ડની પસંદગી કરો.
• તમામ માહિતીને યોગ્ય રીતે ભર્યા બાદ પછી સબમિટ પર ક્લિક કરો.
• હવે તમારા આધારના ઉપયોગને લગતી તમામ માહિતી તમારી પાસે આવી જશે. જેનાથી તમે જાણી શકશો કે તમારા આધારનો ઉપયોગ ક્યાં અને ક્યારે થયો છે.