રેસિપી / ઉનાળાની ગરમીમાં માત્ર 5 મિનિટમાં બનાવો સ્વાદિષ્ટ મેંગો લસ્સી

ગરમીની સિઝનમાં ખોરાક કરતા ઠંડા પીણાં પીવાની જ મજા આવે છે. તેમાં પણ જો કોઇ મહેમાન આવાના હોય તો ઝડપથી બની શકે તેવું પીણું તૈયાર કરો. કેરીની સિઝન છે, તો ફક્ત 5 મિનિટમાં તૈયાર કરો `મેંગો લસ્સી'

સામગ્રી:

એક કપ સમારેલી કેરી
અડધો કપ ખાંડ
અડધો કપ દહીં
2 નંગ ઇલાયચી પાઉડર
7-8 નંગ બરફના ટુકડા

સજાવટ માટે:

ફુદીનાના પાન 
પીસ્તા, બદામની કતરી

બનાવવાની રીત:

મેંગો લસ્સી બનાવવા માટે સૌ પ્રથમ કેરીનાં ટુકડાને મિક્સર જારમાં ભરી લો. તેમાં ખાંડ અને બરફના ટુકડા નાંખીને ક્રશ કરી લો. આ મિશ્રણમાં ઇલાયચીનો પાઉડર મિક્સ કરી લો. હવે ગ્લાસમાં લસ્સી ભરીને ફૂદીનાના પાન અને પીસ્તા, બદામની કતરીથી ડેકોરેટ કરો. જો પીવાની વાર હોય તો મેંગો લસ્સીને ફ્રિજમાં ઠંડું કરવા મૂકો.