એસ્ટ્રા હોંડા મોટરે Honda Genio 110 લૉન્ચ કરી જે ભારતમાં એક્ટિવાનો દમદાર હોઇ શકે છે વિકલ્પ
2022 Honda Genio 110 લોન્ચ
ભારતીય ચલણમાં લગભગ રૂ.93,000 કિંમત
ભારતમાં હોન્ડા એક્ટિવાને આપી શકે છે ટક્કર
હોન્ડાની ઇન્ડોનેશિયન વિંગ એસ્ટ્રા હોન્ડા મોટરે સ્થાનિક બજારમાં 2022 Honda Genio 110 લોન્ચ કર્યું છે જે સ્ટાઇલ અને ડિઝાઇનમાં મજબૂત છે. આ નવું સ્કૂટર યુરોપિયન ડિઝાઈન પર બનાવવામાં આવ્યું છે જે જોવામાં ઘણું સારું છે. નવું સ્કૂટર ભારતમાં એક્ટિવા માટે મજબૂત વિકલ્પ બની શકે છે. કિંમત વિશે વાત કરીએ તો, તે ભારતીય ચલણમાં લગભગ 93,000 રૂપિયા છે. આ સ્કૂટરને જોતા ભારતમાં વેચાતા Yamaha Fascino 125 હાઇબ્રિડ જેવું લાગે છે. નવા સ્કૂટરને યુરોપિયન ડિઝાઇન પર બનાવવામાં આવ્યું છે, જેમાં એકદમ અલગ પ્રકારની LED હેડલાઇટ આપવામાં આવી છે. આ સિવાય બોડી પર ગોલ્ડન એક્સેન્ટ આપવામાં આવ્યો છે.
શું છે આ વ્હિકલના ફિચર્સ ?
કંપનીએ આ હોન્ડા સ્કૂટરમાં 12-ઇંચના વ્હીલ્સ આપ્યા છે, જે અગાઉના 14-ઇંચના વ્હીલ્સ કરતાં થોડા નાના છે. સ્કૂટરના નવા ટાયર પહેલાથી જ પહોળા છે અને સસ્પેન્શનની સાથે બ્રેકિંગ સેટઅપ જૂના મોડલમાંથી લેવામાં આવ્યું છે. 2022 Honda Genio 110 એ જ 110 cc એન્જિન દ્વારા સંચાલિત છે જે 8.9 PS પાવર અને 9.3 Nm પીક ટોર્ક બનાવે છે. નવા સ્કૂટરની સાથે કંપનીએ Honda ISS એટલે કે આઈડલિંગ સ્ટોપ સિસ્ટમ પણ આપી છે જે તેના પરફોર્મન્સમાં ઘણો બદલાવ લાવે છે.
Honda Activa માટે નક્કર રિપ્લેસમેન્ટ!
કંપનીએ હાલમાં ભારતમાં નવી Honda Genio 110 લાવવાના કોઈ સંકેત આપ્યા નથી, પરંતુ આ સ્કૂટર દેશમાં Honda Activaનું મજબૂત રિપ્લેસમેન્ટ બની શકે છે. તેથી જો તમે હાલમાં ભારતમાં 110 સીસી સેગમેન્ટનું સ્કૂટર ખરીદવાનું વિચારી રહ્યાં છો, તો ટીવીએસનું તાજેતરમાં લૉન્ચ થયેલું નવું જ્યુપિટર ખૂબ જ સારો વિકલ્પ બની શકે છે જે ઘણી બધી નવી અને હાઇ-ટેક સુવિધાઓ સાથે ભારતમાં આવ્યું છે. તમને જણાવી દઈએ કે કંપનીએ આ સ્કૂટર સાથે SmartConnect એપ આપી છે અને આ નવું સ્કૂટર હવે વોઈસ આસિસ્ટ ફીચર્સ સાથે આવ્યું છે.