અમદાવાદ / ચેતજો! ગે સેક્સ સર્વિસ પૂરી પાડવાને બહાને 50 હજારની લૂંટ કરતી ટોળકી પકડાઈ

• મોબાઈલ એપથી ‘ગે’ સર્વિસ આપીને રૂપિયા કમાવાનો નવો કિમીયો
• સર્વિસ આપવાને બહાને ગ્રાહકોની એકલતાનો લાભ લઇને ચલાવે છે લૂંટ

અમદાવાદ ક્રાઇમ બ્રાન્ચે શહેરનાં વસ્ત્રાપુર વિસ્તારમાં 'હોમો સર્વિસ' આપીને 50,000ની લૂંટ ચલાવનારી એક ટોળકીની ધરપકડ કરી છે. આ આરોપીઓ અમદાવાદ, વડોદરા, રાજકોટ તથા અન્ય એવાં કેટલાંક રાજ્યોમાં ગ્રાહકોને સર્વિસ આપીને તેમની એકલતાનો લાભ લઇને લૂંટ ચલાવતા હોવાનું તપાસમાં સામે આવ્યું છે.

આરોપીઓએ ઘરમાં ઘૂસીને ATMનો પાસવર્ડ મેળવી રૂપિયાની કરી ઉઠાંતરી

શહેરનાં વસ્ત્રાપુરમાં તારીખ 26 ઓગસ્ટનાં રોજ રાત્રીનાં એક રહેવાસીનાં ઘરમાં કેટલાંક અજાણ્યાં શખ્સોએ અંદર ઘૂસીને તિજોરીની અંદર રહેલી રોકડ રકમ, ઘડિયાળો અને એટીએમ કાર્ડની લૂંટ ચલાવી હતી. પરંતુ બાદમાં તો એટીએમનો પાસવર્ડ મેળવીને તેઓએ રૂ.50,000 ઉઠાવી લીધા હતાં. ક્રાઈમ બ્રાંચે આ મામલે તપાસ કરતા સામે આવ્યું કે આરોપીઓ આ ઘટના બાદ અમદાવાદની રોયલ પેલેસ નામની હોટેલમાં રોકાયા હતાં. બાદમાં પોલીસે અંગત માહિતી મેળવીને દિલ્હીનાં નોઈડા સેક્ટર-35 નજીકના વિસ્તારમાંથી આ પાંચ આરોપીઓની ધરપકડ કરી લીધી હતી.

પૂછપરછમાં આરોપીઓએ તેઓ છેલ્લાં છ મહિનાથી ઓનલાઈન એપ્લિકેશન ગ્રેન્ડર મારફતે ગે પુરૂષ ગ્રાહકોને માંગ્યા મુજબની હોમોસેક્સ્યુઅલ સર્વિસ (Homosexual service) પૂરી પાડીને ગ્રાહકો પાસેથી સર્વિસ પેટે ઇચ્છા મુજબના રૂપિયાની માંગણી કરતા. પરંતુ ક્યારેક જો કોઈ ગ્રાહક વધારે રૂપિયા આપવાની ના કહે તો તેઓ તે ગ્રાહક સાથે મારઝુડ કરીને તેમની કેટલીક કિંમતી ચીજો તથા રોકડ રકમની લૂંટ ચલાવતા હતાં.

મહત્વનું છે કે આ ઘટનામાં ધરપકડ કરવામાં આવેલા આરોપીઓમાં ઉત્તરપ્રદેશનાં અજય એસ.શર્મા (૨૦), રાજકુમાર એસ.શર્મા (૨૪), વિજય એસ.શર્મા (૨૩), મુકુલ એમ.ગૌર(૨૧) અને જોની એમ.સૈની (૨૪)ની ધરપકડ કરાઇ હતી. તેઓની પાસેથી પોલીસે 7 કાંડા ઘડિયાળો, 6 મોબાઈલ, પાવર બેંક, રૂ.૪૯૮૦ રોકડ રકમ, 55 અમેરિકન ડોલર અને 20 નેપાળી ચલણ જપ્ત કરવામાં આવ્યાં હતાં. જો કે તેમની ટોળકીનો જ એક શખ્સ રાહુલ સૈની કે જે કેટલાંય સમયથી ફરાર છે કે જેની પોલીસ શોધખોળ કરી રહી છે.