માણસ બદલો લેવા માટે કેટલી હદ સુધી નીચે ઉતરી શકે છે ત્યાં સુધી કે પારિવારિક સંબંધોનો ખ્યાલ પણ આવતો નથી. આવો એક કેસ કર્ણાટકમાં સામે આવ્યો છે. અહીં એક વ્યક્તિએ પત્ની સાથે બદલો લેવા માટે આ પ્રકારનું પગલું ઉપાડ્યુ છે. જેને સાંભળીને તમે હેરાન થઇ જશો.
માણસ બદલો લેવા માટે કેટલી હદે નીચે જઇ શકે છે
કર્ણાટકમાં પતિએ પત્ની સાથે બદલો લેવા માટે કર્યુ આ કૃત્ય
HIV સંક્રમિત પતિએ પત્ની સાથે અસુરક્ષિત જાતિય સંબંધો બનાવ્યાં
આરોપી શખ્સ કેબ ડ્રાઈવર
આરોપી શખ્સ કેબ ડ્રાઈવર છે અને તે HIV પોઝિટિવ છે. તેની 28 વર્ષીય પીડિત મહિલાની સાથે વર્ષ 2015માં લગ્ન થયા હતા. આરોપ છે કે શખ્સે પત્ની સાથે અસુરક્ષિત જાતિય સંબંધો બનાવ્યા હતા. હવે કર્ણાટક પોલીસ આ HIV પોઝિટિવ વ્યક્તિની તપાસ કરી રહી છે. તો પીડિત મહિલાએ પોતાનો HIV ટેસ્ટ કરાવ્યો છે અને તે રિપોર્ટની રાહ જોઇ રહી છે. પોલીસ મુજબ, આરોપીએ આ હરકત પત્ની સાથે બદલો લેવા માટે કરી હતી. કારણકે તે તેની સાથે સંબંધ તોડવા માગતી હતી.
6 વર્ષ સુધી એકસાથે રહ્યાં
પોલીસે જણાવ્યું કે આરોપી HIV સંક્રમિત થયા બાદ પીડિતા તેની સાથે રહેવા માટે રાજી હતી. આ દરમ્યાન બંનેએ એકબીજાની સાથે સુરક્ષિત જાતિય સંબંધો બનાવ્યા હતા. આ દરમ્યાન બંને લગભગ 6 વર્ષ સુધી એકબીજાની સાથે રહ્યાં. તો મહિલા સતત પોતાનો HIV ટેસ્ટ કરાવતી રહી. કારણકે તે પણ સંક્રમિત ના થાય.
આરોપીના બહાર પણ હતા અવૈધ સંબંધ
તેમ છતાં આરોપીના બહાર પણ અવૈધ સંબંધ ચાલી રહ્યાં હતા. આ દરમ્યાન મહિલાને જ્યારે જાણવા મળ્યું કે આરોપી એક મહિલાને ઘરે લાવ્યો છે, તો તે તેનાથી દૂર થઇ ગઇ હતી. ત્યારબાદ આરોપી કેબ ડ્રાઈવર પોતાની પત્નીને મળ્યો અને ગયા અઠવાડિયે બહાનુ બનાવી એક મિત્રના ઘરે લઇ ગયો. અહીં તેણે પત્નીને ડ્રગ્સનું સેવન કરવા માટે ફોસલાવી અને અસુરક્ષિત જાતિય સંબંધો બનાવ્યાં.