પશ્ચિમ બંગાળના રાણાઘાટ રેલ્વે સ્ટેશન પર બેસીને લતા મંગેશકરના ગીતો ગાઈને ગુજરાન ચલાવતી હતી અને તેનો ગીત ગાતો એક વીડિયો વાયરલ થયો અને તે રાતોરાત સ્ટાર બની ગઈ હતી. જે પછી જાણીતા સિંગર હિમેશ રેશમિયાએ રાનૂ મંડલને તેમની ફિલ્મ 'હેપ્પી હાર્ડી એન્ડ હીર'માં ગીત ગાવાની તક આપી હતી.
લતા મંગેશકરનો ગીત ગાઈ રાતોરાત સ્ટાર બની ગઈ હતી રાનૂ મંડલ
હિમેશે તેની ફિલ્મમાં ગીત ગાવાની આપી તક
રાનૂ મંડલને ટ્રોલ કરવા પર હિમેશ રેશમિયાએ આપી પ્રતિક્રિયા
A post shared by Ranu Mandal (@ranu.mandal_official) on
રેલ્વે સ્ટેશન પર ગીતો ગાઈને જીવન પસાર કરતી આ મહિલાને અચાનક આટલી સફળતા મળવાથી લોકોનું ધ્યાન તેની તરફ આકર્ષિત થયું. જોકે, સેલિબ્રિટી બન્યા બાદ રાનૂ મંડલને ઘણી વખત ટ્રોલર્સનો પણ સામનો કરવો પડ્યો હતો. આ ઈન્ટરનેટ સન્સેશન તેના મેકઅપથી લઈને મીડિયા સાથે દુર્વ્યવહાર કરવા માટે પણ ટ્રોલ થઈ હતી.
હવે મ્યુઝિક કંપોઝર હિમેશ રેશમિયાએ રાનૂ મંડલની ટ્રોલિંગ પર ખુલીને વાત કરી છે. એક ઈન્ટરવ્યૂમાં હિમેશ રેશમિયાએ રાનૂ મંડલની ટ્રોલિંગને લઈને કહ્યું, જ્યારે મેં તેમને બ્રેક આપ્યો, ત્યારે હું ઈચ્છતો હતો કે મને લતાજીનો અવાજ મળે, જે તેરી મેરી કહાની સોન્ગના અલાપમાં કન્ટેમ્પરરી મોર્ડન ગિટારથી જોડાઈ શકે. આ ગીત હિટ થઈ ગયો તો રાનૂ મંડલ છવાઈ ગઈ અને મને લાગે છે કે સેલ્ફીની ઘટના પછી તેમને ટ્રોલ કરવામાં આવ્યા હતા. જેમાં તેમણે ફેન સાથે તસવીરો ક્લિક નહોતી કરાવી.
દરેક સેલિબ્રિટીને આ પરિસ્થિતિમાંથી પસાર થવું પડે છે
હિમેશ રેશમિયાએ આગળ કહ્યું, મને આ વિશેની સંપૂર્ણ જાણકારી નથી, જેથી આ અંગે હું યોગ્ય જવાબ નહીં આપી શકું. મને લાગે છે કે, જ્યારે કોઈને બહુ વધારે અટેન્શન મળે છે, તમે સ્ટાર બની જાઓ છો, તમને લોકોને પ્રેમ મળવા લાગે છે તો તમારે આ બધી બાબતો માટે પણ તૈયાર રહેવું જોઈએ. મને ખબર નથી કે જ્યાંથી તે આવ્યા હતા, તે આ બધી બાબતો માટે તૈયાર હતા કે નહીં, પણ તેઓ સ્ટાર બની ગયા છે. દરેક સેલિબ્રિટીને આ પરિસ્થિતિમાંથી પસાર થવું પડે છે, ભલે પછી તેને આ ગમે કે ન ગમે.