હિમાચલ પ્રદેશમાં વિધાનસભાની ચૂંટણી માટે મતદારોએ આજે ગુપ્ત મતદાન કર્યું છે. સવારે 8 વાગ્યાથી શરૂ થયેલ વોટિંગ સાંજે 5 વાગ્યાં સુધી ચાલુ રહી હતી. પ્રદેશની 68 સીટો માટે એક જ ચરણમાં થઇ રહેલી ચૂંટણીમાં 412 ઉમેદવારો મેદાનમાં છે. આ ચૂંટણીનું પરિણામ 8 ડિસેમ્બરનાં જાહેર થશે.
હિમાચલ પ્રદેશમાં વિધાનસભાની ચૂંટણી મતદાન સમાપ્ત
સવારે 8 વાગ્યાથી શરૂ થયેલ વોટિંગ સાંજે 5 વાગ્યાં સુધી ચાલુ રહ્યું
હિમાચલમાં 66% જેટલું વોટિંગ થયું
હિમાચલ પ્રદેશમાં વિધાનસભાની ચૂંટણી માટેનું વોટિંગ આજે સમાપ્ત થયું છે. સવારે 8 વાગ્યાથી શરૂ થયેલ વોટિંગ સાંજે 5 વાગ્યાં સુધી ચાલુ રહી હતી. પ્રદેશની 68 સીટો માટે એક જ ચરણમાં થઇ રહેલી ચૂંટણીમાં 412 ઉમેદવારો મેદાનમાં છે. આ ચૂંટણીનું પરિણામ 8 ડિસેમ્બરનાં જાહેર થશે. પ્રદેશમાં કુલ 55,92,828 મતદાતાઓ હતાં જેમાંથી 28,54,945 પુરુષ અને 27,37,845 મહિલા મતદાતાઓ છે. પીએમ મોદી, ગૃહમંત્રી અમિત શાહ, સીએમ જય ઠાકુર અને કોંગ્રેસ નેતા પ્રિયંકા ગાંધી સહિતનાં નેતાઓએ જનતાને વોટ આપવાની અપીલ કરી હતી.
હિમાચલમાં 66% વોટિંગ થઇ
હિમાચલ પ્રદેશમાં સાંજે 5 વાગ્યા સુધીમાં 66% જેટલી વોટિંગ કરવામાં આવી છે. અહીં તમામ 68 સીટો પર સવારે 8 વાગ્યાથી વોટિંગ શરૂ થઇ ચૂકી હતી. 2017ની વિધાનસભાની ચૂંટણીમાં રેકોર્ડ 75.57% મતદાન થયું હતું.
51 out of 52 voters voted in the world's highest polling station booth in Tashigang, Himachal Pradesh. 98.08% voter turnout has been recorded. #HimachalPradeshElections
આ સ્થળે થયું વોટિંગ
હિમાચલ પ્રદેશની 68 સીટો પર બપોરનાં 3 વાગ્યા સુધીમાં 55% મતદાન થયું હતું જેમાં,
હમીરપુરમાં 54%
કિન્નોરમાં 55%
મંડીમાં 60%
ઊનામાં 58%
કુલ્લૂમાં 57%
સોલનમાં 56%
બિલાસપુરમાં 54% , વોટિંગ બપોરે 3 વાગ્યાં સુધી થઇ હતી.
સિરમોરમાં 60% અને લાહૌલ સ્પીતિમાં 100% મતદાન
જિલ્લા સિરમોરની તમામ 5 સીટ પર બપોરે 3 વાગ્યે 60.38% જેટલું મતદાન રહ્યું હતું. નાહનમાં 59.10%, પત્છાદમાં 63.57%, રેણુકાજીમાં 64.46%, સિલાઇમાં 64.54%,પાંવટા સાહિબમાં 54.20% વોટિંગ થઇ. લાહૌલ સ્પીતિમાં સ્થિત વિશ્વનાં સૌથી ઊંચા મતદાન કેન્દ્રમાં તાશીગંગમાં તમામ 52 મતદાતાઓએ મતદાન કર્યું.
કોંગ્રેસનો આરોપ- પોલિંગ ટીમ ધીમી ગતિએ કામ કરે છે
કોંગ્રેસે ચૂંટણી આયોગમાં લખ્યું કે ઘણાં પોલિંગ બૂથ પર લાંબી લાઇનો જોવા મળી રહી છે. ચૂંટણી કર્મચારીઓ અતિ ધીમી ગતિએ કામ કરી રહ્યાં છે જેના લીધે વોટરોને તકલીફો પડી રહી છે.