હવામાન વિભાગની આગાહી પ્રમાણે ગુજરાતના અનેક જિલ્લાઓમાં ભારે વરસાદ પડ્યો છે. જેમા શેત્રુંજી ડેમમાં પાણીની આવક થઈ છે. સાથેજ પૂર્ણા, અંબિકા અને કાવેરી નદીમાં જળસ્તર પણ વધ્યું છે.
અમરેલી, જુનાગઢ અને ભાવનગરમાં મેઘરાજા મહેરબાન
શેત્રુંજી ડેમમાં પાણીની આવક
પૂર્ણા અંબિકા અને કાવેરી નદીમાં જળસ્તર વધ્યું
હવામાન વિભાગની આગાહીને લઈને અમરેલીના વિવિધ વિસ્તારોમાં વરસાદ પડ્યો છે. લીલીયા શહેરમાં અને ગ્રામ્ય પંથકમાં મેઘરાજાએ એન્ટ્રી કરી દીધી છે. વહેલી સવારથી અહીયા ધોધમાર વરસાદ પડ્યો જેના કારણે રોડ રસ્તાઓ પર પાણી ભરાઈ ગયા છે. પરિણામે વાહન વ્યવહાર ખોરવાયો છે અને લોકોને ભારે હાલાંકીનો સામનો કરવો પડી રહ્યો છે.
જૂનાગઢમાં ધીમીધારે વરસાદ
જૂનાગઢમાં પણ વહેલી સવારથી ધીમીધારે અનેક વિસ્તારોમાં મેઘરાજા મહેરબાન થયા છે. જેના કારણે ગીરનાર પર્વત પર તો અદ્ભુત દ્રશ્યો જોવા મળ્યું હતું. જોકે અહીયા વરસાદ પડતા ખેડૂતોમાં એકંદરે ખુશીનો માહોલ જોવા મળી રહ્યો છે.
શેત્રુંજી ડેમની સપાટીમાં વધારો
આપને જણાવી દઈએ કે ભાવનગરમાં આવેલ શેત્રુંજી ડેમની સપાટીમાં પણ વધારો થયો છે. ઉપરવાસમાં સારો વરસાદ પડવાને કારણે શેત્રુંજી ડેમની સપાટી 32.8 ફૂટ સુધ પહોચી છે. સાથેજ ડેંમમાં હાલ 4 હાજર ક્યુસેક પાણીની આવક થઈ છે.
ઉંકાઈ ડેમમાં પાણીનિી આવક
ઉકાંઈ ડેમમાં પણ સારા વરસાદને કારણે પાણીની આવક થઈ છે. ઉપરવાસમાં સારો વરસાદ પડતા ડેમની સપાટી 333.93 ફૂટ પહોચી છે. ડેમમાં મોટા પ્રમાણમાં પાણીની આવક જોવા મળી રહી છે. જેને લઈને ખેડૂતોમાં હાલ આનંદનો માહોલ ફેલાઈ ગયો છે.
પૂર્ણા, અંબિકા અને કાવેરી નદીમાં જળસ્તર વધ્યું
આ તરફ નવસારીમાં પણ ગઈકાલથી અવિરત વરસાદ વરસી રહ્યો છે. જેના કારણે જૂજ અને કેલિયા ડેમ 90 ટકા ભરાઈ ગયો છે. નવસારી અને તેની આસપાસના તાલુકાઓમાં ભારે વરસાદને કારણે પૂર્ણા નદી, અંબિકા નદી અને કાવેરી નદીનું જળસ્તર વધ્યું છે.
બંગાળની ખાડીમાં લો પ્રેશર સર્જાવાને કારણે પડશે વરસાદ
રાજ્યમાં છેલ્લા ઘણા સમયથી વરસાદ નહોતો પડતો પરંતુ સપ્ટેમ્બર મહિનાની શરૂઆતથીજ મેઘરાજાની બીજી ઈનીંગ શરૂ થઈ ગઈ છે. હવામાન વિભાગ દ્વારા વરસાદને લઈને મોટી આગાહી કરવામાં આવી છે. બંગાળની ખાડીમાં લો પ્રેશર સર્જાવાને કારણે ભારે વરસાદ પડી શકે છે. જેથી આગામી 48 કલાકમાંજ હવામાન વિભાગ દ્વારા ભારે વરસાદની આગાહી કરવામાં આવી છે.
અમદવાદ તેમજ ગાંધીનગરમાં ભારે વરસાદની આગાહી
હવામાન વિભાગે કરેલી આગાહી મુજબ સૌરાષ્ટ્રમાં ભારેથી અતિભારે વરસાદની આગાહી કરવામાં આવી છે. સાથેજ ઉત્તરભારતમાં સારો વરસાદ રહેશે તેવી શક્યતા વર્તાઈ રહી છે. અમદાવાદ અને ગાંધીનગર તેમજ વડોદરા સહિતના વિસ્તારોમાં ભારે વરસાદની આગાહી હવામાન વિભાગ દ્વારા કરવામાં આવી છે.