Video / સૌરાષ્ટ્રમાં મેઘરાજાની ધડબડાટી, આગાહીને પગલે તંત્ર સતર્ક

- સૌરાષ્ટ્રના અનેક વિસ્તારોમાં ભારે વરસાદ

અમરેલી પંથકમાં ધોધમાર વરસાદ:

અમરેલીના ધારી-ગીર પંથકમાં પણ ધોધમાર વરસાદ વરસી રહ્યો છે. જિલ્લાના લીલીયા, મીઠાપુર, કોટડા, આંબાગાળા, પાણીયા અને સોઢાપરામાં ભારે વરસાદ વરસ્યો છે. ભારે વરસાદ આવતા જિલ્લાના ખેતરોમાં પાણી ભરાયા છે. ભારે વરસાદને પગલે રાજુલાની સાજણી નદીમાં પુર આવ્યુ છે. પુરના કારણે ગામમાં જવાનો રસ્તો પણ બંધ થયો છે. તો ખાંભા તાલુકામાં પણ વરસાદી માહોલ સર્જાયો છે. ખાંભા તાલુકાના બોરાલા, ચકરાલા, પચપચીયા, સાળવા, કાંટાળા ગામમાં વરસાદ વરસ્યો છે. વરસાદ આવતા નીચાણ વાળા વિસ્તારોમાં પાણી ભરાયા છે.

ગીર-સોમનાથમાં ગાજવીજ સાથે મેઘપધરામણી:

ગીર-સોમનાથમાં વરસાદી માહોલ જામ્યો છે. વહેલી સવારથી ગાજવીજ સાથ મેધરાજએ માજા મુકી છે. કણેરી, ફાટસર, ધાબાવડ, દ્રોણ, સહીત વિસ્તારમાં ધોધમાર વરસાદ પડ્યો છે. ભારે વરસાદને લઈને સમગ્ર પંથકમા પાણી વહેતા થયા છે. ધોધમાર વરસાદ પડતા ખેડૂતોમાં ખુશીની લેહેર જોવા મળી રહી છે.

રાજકોટના સવારથી ધોધમાર વરસાદ:

રાજકોટના સવારથી ધોધમાર વરસાદ પડી રહ્યો છે. ધોધમાર વરસાદને કારણે ભાદક ડેમમાં 0.49 ફૂટન નવી નીરની આવક થઈ છે. તો આજીમાં 2માં 0.82 ફૂટ આવક થઈ છે. તો મોરબીના વાડીસંગ 2.69 ફૂટ આવક થઈ..તો દેવભૂમિ દ્વારકાના ભોગવો ડેમમાં- 0.50 ફૂટ આવક થઈ છે. તો ડેમમાં નવા નીરની આવક થતા ખેડુતો નવા નીરના વધામણા કરી રહ્યા છે.
 
બોટાદમાં બીજા દિવસે સતત વરસાદ:

આ તરફ બોટાદમાં પણ વરસાદનું આગમન થયુ છે. ગઢડામાં આજે બીજા દિવસે પણ વરસાદ વરસ્યો છે. વરસાદ આવતા નીચાણ વાળા વિસ્તારોમાં પાણી ભરાયા છે. વરસાદને પગલે ખેડૂતોમાં ખુશીનો માહોલ જોવા મળ્યો છે.

ભાવનગર જીલ્લામાં વરસાદ:

ભાવનગરના સિહોર તાલુકામાં વરસાદ વરસ્યો છે. ભાવનગરના ટાણા અને વરલ પંથકમાં વરસાદ વરસ્યો છે. સતત ત્રીજા દિવસે વરસાદ વરસ્યો છે. સારા વરસાદને લઈને ખેડૂતોમાં પણ ખુશી જોવા મળી રહી છે. આ વર્ષે સારો વરસાદ આવે તેવી ખેડૂતોને આશા છે.

સૌરાષ્ટ્ર અને દક્ષિણ ગુજરાત ભારે વરસાદની આગાહી:

ગુજરાતમાં ભારે વરસાદની આગાહીને પગલે NDRFની ટીમ સ્ટેન્ડ બાય રાખવામાં આવી છે. દક્ષિણ ગુજરાત અને સૌરાષ્ટ્રમાં ભારે વરસાદની આગાહી કરવામાં આવી છે. ત્યારે રાજ્યમાં NDRFની 15 ટીમને સ્ટેન્ડ બાય રાખવામાં આવી છે. જેમાં સુરત, ભાવનગર અને વલસાડમાં NDRFની 1-1 ટીમ સ્ટેન્ડ બાય રાખવામાં આવી છે. જ્યારે રાજકોટ અને ગાંધીનગરમાં 2-2- ટીમ સ્ટેન્ડ બાય રખાઈ છે. તો વડોદરા હેડક્વાર્ટરમાં 7 ટીમ સ્ટેન્ડ બાય રાખવામાં આવી છે.