રાજ્યમાં વિરામ બાદ ફરી ભારે વરસાદની આગાહી કરવામાં આવી છે. જ્યારે આજે વહેલી સવારથી વાતાવરણમાં પલટો આવ્યો છે. સુરત સહિત દક્ષિણ ગુજરાતના વિસ્તારોમાં ધોધમાર વરસાદ વરસ્યો છે.
રાજ્યમાં આગામી 5 દિવસમાં ભારે વરસાદની હવામાન વિભાગ દ્વારા આગાહી કરવામાં આવી છે. હવામાન વિભાગના જણાવ્યા પ્રમાણે, દીવ-દમણ, વડોદરા, આણંદ, સહિત સૌરાષ્ટ્રના અનેક ભાગોમાં વરસાદ પડી શકે છે.
તો અમદાવાદ શહેરમાં પણ બે દિવસમાં છુટો-છવાયો વરસાદ પડવાની સંભાવના છે. બીજી તરફ દક્ષિણ ગુજરાતમાં વલસાડ, ડાંગ, નવસારી, વાપી, સહિતના વિસ્તારોમાં પણ ભારેથી અતિભારે વરસાદ પડવાની શક્યતા છે.
તો છોટાઉદેપુર તાલુકાના એમપી બોર્ડરના ગામોમાં ભારે વરસાદ પડી રહ્યો છે. ભોરદા ગામ નજીક કોઝવે પરથી પાણીનો પ્રવાહ તેજ થઇ ગયો છે. જેથી રોડ બંધ થઇ જતા રાહદારીઓને મુશ્કેલીનો સામનો કરવો પડી રહ્યો છે.