ઘરેલૂ ઉપાય / ડેન્ગ્યૂના તાવથી બચવા માટે ડાયટમાં સામેલ કરી લો આ ચીજો, પ્લેટલેટ્સ વધારવામાં મળશે મદદ

• ડેન્ગ્યૂના તાવથી બચવા માટે કરો આ કામ
• પ્લેટલેટ્સ વધારવામાં મળશે મદદ
• ખાસ ડાયટને ફોલો કરી લેવો જરૂરી છે

દર વર્ષે વરસાદની સીઝનમાં ડેન્ગ્યૂ, મેલેરિયા અને ચિકનગુનિયાને ફેલાવનારા મચ્છરોના આંતકનો ભય રહે છે.આ સીઝનમાં મચ્છરોથી ફેલાતો તાવ શરીરને તોડી દે છે. ખાસ વાત એ છે કે ડેન્ગ્યૂના મચ્છર ચોખ્ખા પાણીમાં રહે છે. તેમાં તાવ, શરીર દુઃખવું વગેરે સમસ્યા રહે છે. તેમાં પ્લેટલેટ્સ પણ ઝડપથી ઓછા થવા લાગે છે.  

જીવલેણ બની શકે છે ડેન્ગ્યૂનો તાવ
આ સમયે દર્દી જો યોગ્ય ડાયટ ન લે તો તે બીમારી જીવલેણ બની શકે છે. યોગ્ય પ્રમાણમાં પૌષ્ટિક આહાર લેવાથી આ બીમારીથી ઝડપથી રાહત મળી શકે છે. ડેન્ગ્યૂ તાવ શરીરને નબળું બનાવે છે. તો જાણો કઈ ચીજોને ડાયટમાં સામેલ કરી લેવાથી પ્લેટલેટ્સને ઝડપથી વધારી શકાય છે.  

પપૈયાનો જ્યૂસ
સૌ પહેલા પપૈયાને ધોઈ લો અને બારીક કાપી લો. તેમાં લીંબુનો રસ અને અડધો કપ નારંગીનો રસ મિક્સ કરો. હવે તેમાં થોડું પાણઈ મિક્સ કરીને જ્યૂસ બનાવી લો. આ જ્યૂસને ફ્રેશ જ ઉપયોગમાં લો. 

નારિયેળ પાણી
નારિયેળ પાણી સ્વાસ્થ્યને માટે ફાયદારૂપ છે. આ ડ્રિંકને પીવાથી શરીર હાઈડ્રેટ રહે છે. તેમાં અનેક પોષક તત્વો હોય છે. ડેન્ગ્યૂના તાવમાં કંઈ ખાવા પીવાનું મન કરતું નથી. નારિયેળ પાણી આ સમયે રાહત આપે છે.  

દાડમનો જ્યૂસ 
શરીરમાં બ્લડને વધારવા માટે દાડમનો જ્યૂસ ઉપયોગમાં લેવો. દાડમમાં પ્રાકૃતિક રીતે મિનરલ્સ હોય છે જે શરીરને એનર્જી આપવાનું કામ કરે છે. તેમાં આયર્ન પૂરતા પ્રમાણમાં હોય છે જે પ્લેટલેટ્સને વધારવામાં મદદ કરે છે. 

આ રીતે રોકો મચ્છરનો ઉપદ્રવ

• કચરાને યોગ્ય રીતે ફેંકો. ક્યાંય પાણી જમા ન થવા દો. તેમાં મચ્છર ઉદ્ભવી શકે છે. 
• બગીચા કે છત પર કંટેનર કે ખાલી વાસણને ઢાંકીને રાખો. આ સિવાય પાણી રાખનારા વાસણને સાફ રાખો તે જરૂરી છે. 
• ઘરથી બહાર નીકળતી સમયે ફૂલ સ્લીવના કપડા પહેરો જેથી મચ્છરના સંપર્કને ઘટાડી શકાય. 
• મચ્છરથી બચવા માટે સ્પ્રે, ક્રીમ્સ અને નેટનો ઉપયોગ કરો. જો તમે બહારના રૂમમાં સૂવો છો કો મચ્છરદાનીનો ઉપયોગ કરો.
• દરવાજા અને બારીને સાંજના સમયે બંધ કરીને રાખો. 
• જરૂરી ન હોય તો કામ વિના ફરવાથી બચો. આમ કરવાથી ડેન્ગ્યૂના ખતરાથી રાહત મળે છે.