ભારતમાં કોરોના વાયરસની રસી શોધવા માટે ખૂબ મહેનત થઇ રહી છે ત્યારે ભારતનાં સ્વાસ્થ્ય મંત્રી હર્ષવર્ધને મોટું નિવેદન આપ્યું છે.
ભારતમાં કોરોના વાયરસના કુલ કેસ 74 લાખની પાર
નાક મારફતે આપવામાં આવતી વેક્સિન પર સ્વાસ્થ્ય મંત્રીનું મોટું નિવેદન
સીરમ ઇન્સ્ટીટયુટ બનાવી રહી છે ઇન્ટ્રાનેજલ વેક્સિન ( નાક મારફતે અપાતી વેક્સિન )
દેશમાં કોરોના કહેર યથાવત છે, કુલ કેસ 74 લાખની આસપાસ થઇ ગયા છે જ્યારે કુલ મોત 1 લાખ 12 હજારથી વધારે છે ત્યારે દેશમાં કોરોના વાયરસની રસી શોધવા માટે એડીચોટીનું જોર લગાવવામાં આવી રહ્યું છે. ભારતના ઘણા બધા વૈજ્ઞાનિકો હાલમાં દિવસ રાત મહેનત કરી રહ્યા છે. આશા છે કે આ વર્ષના અંત અથવા આવતા વર્ષની શરૂઆતમાં ભારતમાં કોરોના વાયરસની વેક્સિન આવી જશે.
આ વચ્ચે ભારતનાં સ્વાસ્થ્ય મંત્રી ડૉ. હર્ષવર્ધને કહ્યું છે કે ભારતમાં અત્યારે કોઈ ઇન્ટ્રાનેજલ વેક્સિનનું ટ્રાયલ થઇ રહ્યું નથી પણ સીરમ ઇન્સ્ટીટયુટ હાલમાં અમેરિકન બાયોટેક કંપની સાથે મળીને કોડાજેનિક્સ વેક્સિન બનાવવાની શરૂઆત કરી દીધી છે.
સ્વાસ્થ્ય મંત્રી હર્ષવર્ધને રવિવારે સંડે સંવાદ કાર્યક્રમમાં કહ્યું કે આ વેક્સિન ઇન્ટ્રાનેજલ હશે, જેનો એનિમલ ટ્રાયલ થઇ ગયો છે. હવે આ કંપની વર્ષના અંત સુધી યુકેમાં આ વેક્સિનનું ટ્રાયલ શરુ થશે. હર્ષવર્ધને કહ્યું કે આ વેક્સિન માટે યુકેમાં જ હ્યુમન ટ્રાયલ કરવામાં આવશે અને ભારતમાં કલીનીકલ ટ્રાયલની જવાબદારી સીરમ ઇન્સ્ટીટયુટ ઓફ ઇન્ડિયાના હાથમાં જ રહેશે.
શિયાળામાં કેસમાં વધારો થવાની સંભાવના
નીતી આયોગના સભ્ય અને કોવિડ એક્સપર્ટ પેનલના વડા ડો. વી.કે. પોલે ન્યૂઝ એજન્સી પીટીઆઈને જણાવ્યું હતું કે, છેલ્લા ત્રણ સપ્તાહમાં નવા કેસોમાં મૃત્યુઆંક ઓછો થયો છે, પરંતુ અમે શિયાળાની સીઝનમાં ભારતમાં કોરોના ચેપના બીજા મોજાની અપેક્ષા રાખી રહ્યા છીએ. નકારી શકે નહીં. "
કોરોના વાયરસની દવા ત્રણ રોગચાળા સામે રક્ષણ કરશે. 200 વૈજ્ઞાનિકો દ્વારા કરવામાં આવેલા સંશોધનને આધારે આ દાવો કરવામાં આવ્યો છે. સંશોધનકારોએ શોધી કાઢ્યું કે કોવિડ -19 પહેલા દુનિયામાં ફેલાયેલી બે રોગચાળાઓ પણ સાર્સ અને મોર્સના વાયરસ જેવું જ છે.
ઉલ્લેખનીય છે કે, આ ત્રણેય વાયરસ તેમના સ્પાઇક પ્રોટીન દ્વારા માનવ કોષો પર હુમલો કરે છે અને કેપ્ચર કરે છે, તેથી વૈજ્ઞાનિકો જે દવાઓ અથવા ઉપચારની યોજના બનાવી રહ્યા છે તે ત્રણેય રોગચાળા પર કામ કરશે. નોંધપાત્ર વાત એ છે કે, સાર્સ અને મોર્સ કોરોના વાયરસની હજી સુધી કોઈ દવાઓ બનાવવામાં આવી નથી.