અજય પટેલને કોર્ટમાં હાજર રહેવા માટે અગાઉ આદેશ આપ્યો હતો. ફરિયાદી કોર્ટમાં ગેરહાજર રહેતા રાહુલ ગાંધીએ મેટ્રો કોર્ટમાં વાંધો ઉઠાવ્યો હતો.
ADC બેન્કના ચેરમેન અજય પટેલને HCની રાહત
સુનાવણી સમયે હાજર રહેવામાંથી હાઇકોર્ટે આપી મુક્તિ
ફરિયાદીની ગેરહાજરી મામલે રાહુલ ગાંધીને હતો વાંધો
ADC બેન્કના ચેરમેન અજય પટેલને હાઈકોર્ટનીની રાહત મળી છે. સુનાવણી સમયે હાજર રહેવામાંથી હાઇકોર્ટે મુક્તિ આપી દીધી છે. મેટ્રો કોર્ટે અજય પટેલને કોર્ટમાં હાજર રહેવા માટે અગાઉ આદેશ આપ્યો હતો. અજય પટેલની હાજર ન રહેવાની અરજી પ્રથમ મેટ્રો કોર્ટે ફગાવી હતી. જે બાદ હાઈકોર્ટમાંથી રાહત મળી છે. ADC બેન્ક પર વિવાદિત ટિપ્પણીને લઇ રાહુલ ગાંધી પર બદનક્ષીનો કેસ દાખલ કરવામાં આવ્યો હતો. ફરિયાદી કોર્ટમાં ગેરહાજર રહેતા રાહુલ ગાંધીએ મેટ્રો કોર્ટમાં વાંધો ઉઠાવ્યો હતો.
શું હતો સમગ્ર મામલો?
કોંગ્રેસના પૂર્વ અધ્યક્ષ રાહુલ ગાંધી દ્વારા જબલપુરની રેલીમાં અમિત શાહ પર એક ટિપ્પણી કરવામાં આવી હતી. દેશમાં નોટબંધી સમયે રાહુલ ગાંધીએ ADC બેંક પર કરોડો રૂપિયા ખોટી રીતે નોટબદલીનો આક્ષેપ કર્યો હતો. જેમાં કેન્દ્રીય ગૃહ પ્રધાન અમિત શાહની સંડોવણીનો પણ આક્ષેપ કરાયા હતા. જે બાદ બેન્કના ચેરમેન અજય પટેલ દ્વારા રાહુલ ગાંધી સામે બદનક્ષીની ફરિયાદ મેટ્રો કોર્ટમાં દાખલ કરાઈ હતી.
આ મામલે મેટ્રો કોર્ટે રાહુલ ગાંધીને બે વખત સમન્સ પાઠવ્યું હતું. પહેલા સમન્સની બજવણી ન થતા કોર્ટે બીજી વખત સમન્સ પાઠવી રાહુલ ગાંધીને હાજર થવા કહ્યું હતું. જો કે, રાહુલ ગાંધીના વકીલે કોર્ટમાં હાજરીમાંથી મુક્તિની માગણી કરી હતી. અને 15 હજારના બોન્ડ પર રાહુલને જામીન મંજૂર કરીને હાજરીમાંથી મુક્તિ આપી હતી.