આપના ફોનમાં ફ્રેન્ડશીપ ક્લબમાં જોડાય એવો મેસેજ આવતા હશે..જો જો ચેતજો, નહીંતર પસ્તાવાનો વારો આવશે..
યુવતીઓ સાથે મજા કરો અને લાખો રૂપિયા કમાઓ
લોભામણી જાહેરાતમાં ફસાયા યુવાનો, ઠગાઈનો બન્યા ભોગ
ફ્રેન્ડશીપ ક્લબ મેમ્બર બનાવવાને નામે લોકો સાથે ઠગાઈ
સેટેલાઈટમાં આવી જાઓ...મેડમ તમારી રાહ જૂએ છે...કહેવત છે લોભિયો હોય, ત્યાં ધૂતારા ભૂખ્યે ન મરે..આપના ફોનમાં ફ્રેન્ડશીપ ક્લબમાં જોડાય એવો મેસેજ આવતા હશે..જો જો ચેતજો આવા મેસેજથી, અખબાર કે છાંપામાં આવતી આવી જાહેરાતોથી લોભ કે લાલાચમાં આવીને ઠગાઈનો ભોગ ન બનતા..નહીંતર પસ્તાવાનો વારો આવશે..
ફ્રેન્ડશીપ ક્લબ મેમ્બર બનાવવાને નામે લોકો સાથે ઠગાઈ
છાપામાં આવેલી જાહેરાત વાંચી...ફ્રેન્ડશીપ ક્લબ મેમ્બર બનવાના ચક્કરમાં યુવાનો આવી જતા હોય છે ત્યારે ફ્રેન્ડશીપ ક્લબ મેમ્બર બનાવવાને નામે લોકો સાથે ઠગાઈ કરતા બે શખ્સને પોલીશે ઝડપી પાડ્યા છે પોલીસે જગતપુરમાં રહેતા સહદેવસિંહ જાડેજા અને જમાલપુરમાં રહેતા રાહુલ બારીયાની ધરપકડ કરી છે
આ બંને યુવકો અન્ય યુવાનોને પ્લે બોય તરીકે નોકરી આપવાની લાલચે યુવાનો સાથે ઠગાઈ કરતા હતા..
પ્લે બોયની નોકરી મેળવી પૈસા કમાવો તેવી જાહેરાત
સાણંદના એક યુવકે તાજેતરમાં અખબારમાં પ્લે બોયની નોકરી મેળવી પૈસા કમાવો તેવી જાહેરાત વાંચી હતી. અને તેને આ કામમાં રસ પડતા તેણે આપેલા નંબર પર ફોન કર્યો આ કામમાં જોડાવવા માટે ઠગ ટોળકીએ પહેલાં પૈસા ભરવાનું કહી 43,500 રૂપિયા પડાવી લીધા હતા બાદમાં તેને એક મહિલાને મળવા મોકલ્યો હતો પરંતું મહિલા ન મળતા પૈસા લેનાર વ્યક્તિનો સંપર્ક સાંધ્યો તો તેનો પણ સંપર્ક ન થતા ઠગાઈનો ભોગ બન્યો હોવાનું સમજાયું હતું. સમગ્ર મામલે પોલીસમાં ફરિયાદ નોંધવામાં આવી હતી..
યુવકો સાથે છેતરપિંડી આચરવામાં આવી
મહત્વનું છે કે ઘરે બેઠા રૂપિયા કમાવવાની જાહેરાત જોઈને જાહેરાતમાં આપેલા નંબર પર સંપર્ક કરતા યુવકને રૂપિયા ગુમાવવાનો વારો આવ્યો છે. બોપલ વિસ્તારમાં રહેતા અને અભ્યાસ કરતા એક યુવકે ન્યૂઝ પેપરમાં જાહેરાત જોઈને આપેલા નંબર પર સંપર્ક કર્યો હતો જેમાં રજીસ્ટ્રેશન માટે રૂપિયા 999 ભરવા માટે કહ્યું હતું. જોકે, રૂપિયા ભર્યા બાદ ગઠીયાએ નંબર બ્લોક કરી દીધો હતો. પરંતુ બીજે દિવસે અજાણ્યા નંબર પરથી ફોન આવ્યો હતો અને કામાસૂત્રનું ગોલ્ડ પેકેજ લેવા માટે જણાવી 15,500 ભરવા માટે કહ્યું હતું. ફ્રેન્ડશીલ ક્લબના નામે આવી રીતે અનેક યુવકો સાથે છેતરપિંડી આચરવામાં આવી છે.
ફ્રેન્ડશીપ ક્લબમાં મેમ્બર નામો લાખો કરોડોની ઠગાઈ
આ બન્ને શખ્સો છેલ્લા પાંચ વર્ષથી બેરોજગાર યુવાનોને ફેન્ડશીપ કલબમા પ્લેયબોયની નોકરી આપવાની લાલચ આપીને ફ્રેન્ડશીપ ક્લબમાં મેમ્બર બનાવવાની જુદી જુદી સ્કીમ આપી યુવાના સાથે ઠગાઈ કરતા અને લાખો રૂપિયાનું કૌભાંડ આચરતા હતા.ગુજરાતના વિવિધ જિલ્લાઓનાં બેરોજગાર યુવકોને મહિને 25 હજાર સુધી કમાવવાની લાલચ આપવામાં આવતી હતી અને ફ્રેન્ડ શીપ ક્લબના નામે મેમ્બરશીપના રજીસ્ટ્રેશન બહાને લોકો પાસેથી રૂપિયા પડાવવામાં આવતા હતા..અમદાવાદ ગ્રામ્ય પોલીસે કરોડો રૂપિયા પડાવનાર બે માસ્ટર માઈન્ડની ધરપકડ કરી છે. આ બન્ને આરોપીઓએ વર્ષ 2015 થી અત્યાર સુધીમાં લગભગ 2500 જેટલા લોકો પાસેથી રૂપિયા દોઢ કરોડથી પણ વધુ રૂપિયાની ઠગાઈ કરી પોલીસ તપાસમાં ચુક્યા હોવાનું સામે આવ્યું છે.
અલગ-અલગ સ્કીમો પ્રમાણે રૂપિયા પડાવતા
આ બંને આરોપીએ આપેલ જાહેરાતમાંથી જો કોઈ વ્યક્તિ તેમનો સંપર્ક કરે તો અલગ-અલગ સ્કીમો પ્રમાણે રૂપિયા પડાવતા હતા અને જે તે વ્યક્તિએ સારા ઘરની લેડીઝને હોટલમાં લઇ જઇને તેમની ઈચ્છા પ્રમાણે સંતોષ આપવા માટે જણાવતા હતા. જેના બદલા માં આ લેડીઝ તેઓને રોકડા રૂપિયા અથવા તો ગિફ્ટ આપશે એવી લાલચ પણ આપતા હતા.આરોપીઓ પાસેથી પોલીસે 11 મોબાઈલ, 7 ડાયરી, 19 એ ટી એમ કાર્ડ, 5 આધાર કાર્ડ, 5 પાન કાર્ડ, 7 ચેક બુક અને 5 પાસ બુક પણ કબ્જે કરી છે.
છેતરપિંડી ની હકીકતો નો પર્દાફાશ
પોલીસ એ કબ્જે કરેલ ડાયરી માં આરોપીઓએ કરેલ છેતરપિંડી ની હકીકતો નો પર્દાફાશ થયો છે. જેના પર નજર કરી એ તો..વર્ષ 2015-16માં 837 વ્યક્તિઓ સાથે ઠગાઈ કરી 13 લાખ 65 હજારથી વધુ રૂપિયા પડાવ્યા, 2017માં 756 વ્યક્તિઓ પાસેથી 43 લાખ 22 હજારથી વધુ રૂપિયા પડાવ્યા છે. વર્ષ 2018માં 513 વ્યક્તિઓ પાસેથી 51 લાખ 35 હજારથી વધુ રૂપિયા પડાવ્યા, વર્ષ 2019માં 135 વ્યક્તિઓ પાસેથી લાખ 22 લાખ 48 હજારથી વધુ રૂપિયા પડાવ્યા, વર્ષ 2020માં 187 વ્યક્તિઓ પાસેથી રૂપિયા 17 લાખથી વધુ રૂપિયા પડાવ્યા તેમજ વર્ષ 2021માં 97 વ્યક્તિઓ પાસેથી 6 લાખ 46 હજારથી વધુ રૂપિયા પડાવ્યા હોવાનું સામે આવ્યું છે. હાલમાં પોલીસ આ બંને આરોપી ઓની ધરપકડ કરીને વધુ તપાસ શરૂ કરી છે.
કૌભાંડનો માસ્ટર માઈન્ડની કરાઈ ધરપકડ
ફેન્ડશીપ કલબના નામે કૌભાંડનો માસ્ટર માઈન્ડ સહદેવસિહ જાડેજા છે.. આ બન્ને આરોપી 2016થી આ સક્રીય હતા.. સહદેવસિંહ જાડેજા મૂળ પોરબંદરનો રહેવાસી છે.. અને જગતપુરમા તેની માતા સાથે ભાડાના ફ્લેટમાં રહે છે જ્યારે રાહુલ ફાયર બ્રિગેડમાં ડ્રાઇવર પિતા મુકેશભાઈ સાથે જમાલપુર ફાયર સ્ટાફમાં રહે છે.. પોલીસને આરોપીઓ પાસેથી ડાયરીઓ મળી આપી હતી.. જેમા આરોપીઓએ 2500 યુવાનોને પ્લેયબોયની નોકરી આપવાના નામે ઠગાઈ કરી રૂપિયા 1.56 કરોડ પડાવ્યા હોવાનું સામે આવ્યું છે. હાલ તો પોલીસે બંને આરોપીઓની ધરપકડ કરી ફેન્ડશીપ ક્લબમાં અન્ય કોઈ આરોપીની સંડોવણી છે કે નહિ તે મુદ્દે વધુ તપાસ હાથ ધરી છે આ કૌભાંડમાં વધુ નામ સામે આવે તેવી શક્યતાછે સેવાઈ રહી છે..