આરોપ / શમી માટે ખરાબ સમાચાર, પત્નીએ એવી તસવીરો શેર કરી અને કહ્યું 'લફંગો છે'

મોહમ્મદ શમીની પત્નીએ એક ફેસબુક પોસ્ટમાં ટિક-ટૉક પર મહિલાઓને ફૉલો કરવાને લઇને પતિ શમી પર ખરા ખોટી સંભળાવી. શમી જે મહિલાઓને પોતાના ટિક-ટૉક પર ફૉલો કરે છે, તેમના એકાઉન્ટના સ્ક્રીનશૉટ્સ શેર કરતા હસીન જહાંએ શમીને બેશરમ કહી દીધા.

હસીને લખ્યું કે, "લફંગા શમી અહમદનું ટિક ટૉક એકાઉન્ટ ખોલ્યું છે, તેઓ 97 લોકોને ફૉલો કરે છે જેમાં 90 યુવતિઓ છે. ખુલો બેશરમ લફંગો છે. એક દિકરીનો બાપ થઇને પણ શરમ નથી તેમને..છી..."

ગત વર્ષે આઇપીએલ બાદ જ મોહમ્મદ શમી અને હસીન જહાંના લગ્ન જીવનમાં બધુ ઠીક નથી. હસીને શમીર પર એકસ્ટ્રા-મૈરિટલ અફેર ચલાવવાનો આરોપ લગાવ્યો હતો અને ઘરેલૂ હિંસા અધિનિયમ હેઠળ ફરિયાદ દાખલ કરી હતી.

મોહમ્મદ શમી માટે તે સમય સૌથી વધુ પડકાર ભર્યો હતો કારણ કે ન તો ફિટનેસ લઇને ખરા ઉતરી શકતા અને ન આઇપીએલમાં સારૂ પ્રદર્શન કરી શકતા હતા. આ વચ્ચે, હસીન જહાંએ તેના પર અનેક પ્રકારના આરોપ લગાવ્યા જેનાથી બન્નેના સંબંધો વધુ ખરાબ થતા રહ્યા. શમીની પત્નીએ ઉંમરમાં ગડબડ કરવાનો પણ આરોલ લગાવ્યો. હાલમાં જ તેમને શમીના ઘર બહાર હોબાળો કરવાને લઇને યૂપીની અમરોહા પોલીસે તેમની ધરપકડ કરી હતી.

ક્રિકેટ મેદાનમાં જ્યારે શમી નવી ઉંચાઇઓ સર કરવા જઇ રહ્યા છે, ત્યારે તેમની પર્સનલ લાઇફની મુશ્કેલી જોકે ખતમ થતી નજરે નથી આવી રહી.

હસીન જહાં ક્રિકેટર મોહમ્મદ શમી પર બેવફાઇ, હત્યાના પ્રયત્ન, મેરિટલ રેપ સહિતના કેટલાક ગંભીર આરોપો લગાવી ચૂકી છે. જોકે, બાદલમાં હસીને પોતાના પતિ વિશે કહ્યું હતું કે, હવે હું શમીમાં ઇન્ટરેસ્ટેડ નથી. હું ક્યારેય લૂઝર નથી રહી અને ન ક્યારેય બનીશ. હું લડાઇ યથાવત રાખીશ.

હસીન જહાંએ ફરી મૉડલિંક શરૂ કરી દીધી હતી. તેમણે કહ્યું હતું કે ત્રણ વર્ષની દિકરીને ઉછરવા અને સમ્માનની સાથે પોતાની જીંદગી જીવવા માટે મોડલિંગમાં વાપસી કરી રહી છું.

હસીન પ્રોફેશનલ મૉડલ રહી છે અને કોલકાતા નાઇટ રાઇડર્સ માટે ચીયર લીડર પણ બની છે. 2014માં શમી સાથે લગ્ન કર્યા બાદ તેમણે મૉડલિંગ છોડી દીધી હતી.