નાયક ફિલ્મની જેમ 6 દિવસ નહીં પાંચ વર્ષ મુખ્યમંત્રી બને નીતિનભાઇ; હાર્દિકનું ઉશ્કેરણીજનક ટ્વીટ

ગાંધીનગરઃ મુખ્યમંત્રી રૂપાણી ઈઝરાયેલના પ્રવાસે જઈ રહ્યાં છે. ત્યારે તેમના પ્રવાસ પહેલા હાર્દિક પટેલે ઉશ્કેરણીજનક ટ્વીટ કર્યુ છે. હાર્દિકે ડે.સીએમ નિતીન પટેલને ઉશ્કેરણીજનક ટ્વીટ કરીને લખ્યું છે કે નિતીનભાઈ નાયક ફિલ્મની જેમ આકસ્મિક મુખ્યમંત્રીનો રોલ ભજવે. મુખ્યમંત્રી રૂપાણીની ગેરહાજરીમાં પાટીદાર સામેના કેસ પરત ખેંચે. 

આ સિવાય રાજદ્રોહ સહિતના તમામ કેસ પણ પાછા ખેંચે. કેસ પાછા ખેંચીને તેઓ પાંચ વર્ષ માટે મુખ્યમંત્રી બને. ઉલ્લેખનીય છે કે સીએમ રૂપાણી ઈ{રાયેલ પ્રવાસે જશે ત્યારે નીતિન પટેલે ઈન્ચાર્જ સીએમ તરીકેનો રોલ ભજવશે.  

હાર્દિકની `ઉશ્કેરણી'!                                                                                                                                                                                                           
નાયક ફિલ્મમાં એક દિવસનો મુખ્યમંત્રી ઘણુ બધુ કરી જાણે છે અને પૂરા પાંચ વર્ષ મુખ્યમંત્રી પણ બની જાય છે. નીતિનભાઈ પટેલને તો પુરા 6 દિવસ મળ્યા છે. અનામત શહીદ પાટીદારોને ન્યાય નિર્દોષ યુવાનો પરથી રાજદ્રોહ સહિતના કેસ પાછા ખેંચીને પુરા પાંચ વર્ષ મુખ્યમંત્રી બની જાઓ. - હાર્દિક પટેલ