કોંગ્રેસ નેતા હાર્દિક પટેલ ગુજરાત હાઇકોર્ટના નિર્ણય વિરૂદ્ધ સુપ્રીમ કોર્ટ પહોંચ્યા છે. તેમણે પોતાની અરજીમાં ગુજરાત હાઇકોર્ટના નિર્ણય પર રોક અને સજા મુલતવી રાખવાની માગ કરી છે.
લોકસભા ચૂંટણી લડવા માટે હાર્દિક પટેલ લોકસભા ચૂંટણી લડવા માટે ગુજરાત હાઈકોર્ટના ચુકાદાને સુપ્રીમ કોર્ટમાં પડકાર્યો છે. કોંગ્રેસના નેતા હાર્દિક પટેલે સુપ્રીમકોર્ટમાં અરજી કરી છે. અગાઉ હાઇકોર્ટે ચૂંટણી લડવાની ના પાડતા હાર્દિક પટેલે સુપ્રીમ કોર્ટમાં અરજી કરી છે. જો કે, વિસનગર કેસમાં સજા પર રોક લગાવવાની હાઇકોર્ટે મનાઇ કરી હતી. ત્યારે આ મામલે હવે હાર્દિક પટેલે સુપ્રીમ કોર્ટમાં અરજી કરી છે.
વિસનગર તોડફોડ કેસમાં હાર્દિક પટેલને 2 વર્ષની સજા થઈ હતી. જેને કારણે જ્યા સુધી તેના પર સ્ટે ન આવે ત્યા સુધી તે ચૂંટણી ન લડી શકે.
ઉલ્લેખનીય છે કે, ગુજરાતમાં નામાંકનની અંતિમ તારીખ 4 એપ્રિલ છે. ત્યારે હાર્દિક પટેલના વકીલ જલ્દી સુનાવણીની પણ માગ કરી શકે છે.
મહત્વનું છે કે ચૂંટણી લડવા માટે હાર્દિક પટેલ ગુનેગાર હોવાનું વિસનગરની કોર્ટે નોંધ્યું છે. જે બાદ હાર્દિક પટેલે ચૂંટણી લડવા માટે ગુજરાત હાઈકોર્ટમાં અરજી કરી હતી. તો ગુજરાત હાઈકોર્ટે પણ હાર્દિકને ચૂંટણી ના લડવાનો ચુકાદો આપ્યો હતો. ત્યારે હાર્દિક પટેલ આજે ગુજરાત હાઈકોર્ટના ચુકાદાને પડકારતી અરજી સુપ્રીમ કોર્ટમાં કરી છે.