સુરત: હાર્દિક પટેલના ઉપવાસનો 14મો દિવસ છે. રાજ્યભરમાં પાસના કાર્યકરો દ્વારા હાર્દિકને સમર્થન આપવામાં આવ્યો છે. ત્યારે સુરતના વરાછા વિસ્તારના યોગી ચોક ખાતે પણ પાટીદારો દ્વારા ટાયર સળગાવીને વિરોધ પ્રદર્શિત કરવામાં આવ્યો.
તો આ તરફ મહિલાઓએ પણ થાળી -વેલણ વગાડીને રેલી કાઢી વિરોધ પ્રદર્શિત કર્યો હતો. મહેસાણાના વજાપુર ગામમાં પાટીદાર સમાજે કેન્ડલ માર્ચ કરીને વિરોધ કર્યો હતો. આ સાથે જ હાર્દિક પટેલના સમર્થનમાં ટહુકો પાર્ટી પ્લોટ નજીક એકઠાં થયેલા હાર્દિક સમર્થકોએ ટાયરો સળગાવીને વિરોધ વ્યક્ત કર્યો હતો.
#BREAKING#Mehsana ના કહોડા ગામ પાસે ટાયર્સ સળગાવવાનો મામલો
20થી 25 જેટલા અજાણ્યા લોકો સામે નોંધાઈ ફરિયાદ
2 વ્યક્તિના નામ જોગ ફરિયાદ નોંધાઈ
ખેરાલુ થી સિદ્ધપુર માર્ગ પર ટાયરો સળગાવી રોડને કર્યો હતો બ્લોક pic.twitter.com/15SoNwfY7d
તો બીજી તરફ રાજકોટના પડધરી તાલુકાના ફતેપરમાં રામધૂન બોલાવવામાં આવી હતી. ફતેપરના ગામના નિવાસીઓ દ્વારા હાર્દિક પટેલના સમર્થનમાં રામધૂન કરવામાં આવી હતી.
ગોંડલના મોવિયા ગામે હાર્દિકના સમર્થનમાં મોટી સંખ્યામાં મહિલાઓ અને ખેડૂતો રસ્તા પર ઉતરી આવ્યા હતા. બોટાદના કારીયારી ગામની મહિલાઓએ હાર્દિકના સમર્થનમાં થાળી-વેલણ સાથે ગરબા પણ કર્યા હતા અને સરકારની બેવડી નીતિનો વિરોધ કર્યો હતો.