ક્રિકેટ / IPLમાં ગુજરાતના આ ખેલાડીની એક સમયે 10 લાખ રૂપિયા લાગી હતી બોલી આજે 45 કરોડની કરે છે કમાણી

• મુંબઈ ઈન્ડિયન્સે 10 કરોડમાં ખરીદ્યો હતો
• આજે 44.3 કરોડની સેલરી લે છે 
• સચિનની કમાણી 38.29 કરોડ 

2015માં કિસ્મત ખુલી

2014માં 10 લાખની બેઝ પ્રાઇઝ હોવા છતાં હાર્દિક પંડ્યાને કોઈ ફ્રેન્ચાઈઝીએ ખરીદ્યો નહતો. પણ 2015માં તેની કિસ્મત ખુલી અને મુંબઈ ઈન્ડિયન્સે તેને 10 લાખની બેઝ પ્રાઇઝમાં ખરીદી લીધો. ખેલાડીઓની આગામી હરાજી સુધીમાં હાર્દિક પંડ્યાં કેપ્ડ પ્લેયર થઈ ચૂક્યો હતો. 

9 મેચમાં લોકોનું ધ્યાન ખેચ્યુ 

હાર્દિક પંડ્યાએ 2015ની સીઝનમાં ફક્ત 9 મેચ રમી અને પોતાની વિસ્ફોટર ઈનિંગથી સૌનું ધ્યાન પોતાના તરફ ખેંચ્યુ હતું. વર્ષ 2016માં તેને ઓસ્ટ્રેલિયા સામે ડેબ્યૂ કરવાની તક મળી હતી. આજે હાર્દિક પંડ્યા ટીમ ઈન્ડિયામાં મહત્વનો ખેલાડી છે અને તેનાં સારા પર્ફોર્મન્સની સાથે તેની સેલરીમાં પણ વધારો થઈ રહ્યો છે.

દર વર્ષે 11 કરોડની સેલરી વધી

IPLમાં તેની સેલરી દર વર્ષે 11 કરોડ વધી રહી છે. 2018ની હરાજીમાં મુંબઈ ઈન્ડિયન્સે હાર્દિક પંડ્યાને રિટેન કર્યો અને હવે 44.3 કરોડની સેલરી સાથે તે ટી-20 લીગમાં સૌથી વધારે કમાણી કરનારા ખેલાડીઓની યાદીમાં 33માં ક્રમાંકે છે. હાર્દિકે આ યાદીમાં દિગ્ગજ ખેલાડી સચિન તેન્ડુલકરને પણ પાછળ છોડી દીધો છે.

2008માં સચિન આઈકોન પ્લેયર તરીકે જોડાયો

સચિન 2008માં આઈકોન પ્લેયર તરીકે મુંબઈ ઈન્ડિયન્સની ટીમ સાથે જોડાયો હતો. તેણે પોતાના આઈપીએલ કરિયરનો અંત 38.29 કરોડની સેલરી સાથે કર્યો હતો. પંડ્યા ગત વર્ષે સચિનની સરખામણીએ હતો. પણ મુંબઈ ઈન્ડિયન્સે જ્યારે 2021માં તેને રિટેન કર્યો ત્યારે હાર્દિકે સચિનને પણ પાછળ છોડી દીધો હતો.

કૃણાલને 2 કરોડમાં ખરીદ્યો

હાર્દિક પંડ્યા મુંબઈ ઈન્ડિયન્સ સાથે 10 લાખની બેઝ પ્રાઇઝ સાથે જોડાયો હતો. 2016-17માં પણ તેની આ જ કમાણી રહી હતી. પણ 2018માં હાર્દિકે લાંબી છલાંગ લગાવી અને તેની સેલરી 11 કરોડ થઈ ગઈ. હાર્દિક જ નહીં તેનો ભાઈ કૃણાલ પણ કમાણીની દૃષ્ટિએ સચિનથી આગળ રહ્યો છે. કૃણાલને મુંબઈ ઈન્ડિયન્સે 2 કરોડમાં ખરીદ્યો હતો. 

મુંબઈ ઈન્ડિયન્સે કૃણાલને રિટેન કર્યો

2018ની હરાજીમાં આરસીબીએ કૃણાલને 8.8 કરોડમાં ખરીદ્યો પણ મુંબઈ ઈન્ડિયન્સે રાઇટ ટુ મેચ કાર્ડનો ઉપયોગ કરીને કૃણાલને રિટેન કર્યો હતો. કૃણાલ હજુ સુધી અનકેપ્ડ પ્લેયર હતો અને આજે પણ કોઈ અનકેપ્ડ પ્લેયર માટે આ સૌથી વધારે રકમ છે. કુલ મળીને કૃણાલે અત્યારસુધી 39.2 કરોડ સેલરી લીધી છે જે સચિન કરતા વધારે છે.