આ યાદગાર મેચમાં અમુક એવી ઘટનાઓ બની હતી જે લોકોને જીવનભર યાદ રહી જશે. અમે તમને એવી જ ઘટનાઓ વિશે જણાવવા જઈ રહ્યા છીએ.
ઈન્ડિયા-પાકિસ્તાન મેચની અમુક યાદગાર ઘટનાઓ
રિઝવાન અને પંડયાની ટક્કર
છેલ્લા ઓવરમાં હાર્દિકનું રીએક્શન
એશિયા કપ 2022માં ટીમ ઈન્ડિયાએ પોતાના અભિયાનની ધમાકેદાર શરૂઆત કરી હતી. દુબઈ ઈન્ટરનેશનલ સ્ટેડિયમમાં રવિવારે રમાયેલી મેચમાં ભારતે પોતાના હરીફ પાકિસ્તાનને પાંચ વિકેટે હરાવી નાખ્યું. પાકિસ્તાને ભારતને જીતવા માટે 148 રનનો ટાર્ગેટ આપ્યો હતો, જે તેણે બે બોલ બાકી રહેતા પૂરો કરી દીધો હતો. આ જીત સાથે ભારતે ગયા વર્ષે T20 વર્લ્ડ કપ દરમિયાન મળેલી હારનો બદલો લીધો હતો.
મેચમાં એક સમય એવો આવ્યો હતો જ્યારે ભારત પર પાકિસ્તાનની ટીમ હાવી થવા લાગી હતી પણ હાર્દિક પંડયા અને જાડેજાએ શાનદાર સાજેદારી કરીને ટીમને જીત અપાવી હતી. જો કે જાડેજા છેલ્લા ઓવરમાં 35 રન બનાવીને આઉટ થઈ ગયા હતા પણ પંડયા ટકી રહ્યા હતા અને ભારતને જીત અપાવી હતી. આ યાદગાર મેચમાં અમુક એવી ઘટનાઓ બની હતી જે લોકોને જીવનભર યાદ રહી જશે. અમે તમને એવી જ ઘટનાઓ વિશે જણાવવા જઈ રહ્યા છીએ.
રિઝવાન અને પંડયાની ટક્કર
મેચની 15મી ઓવરના બીજા બોલ પર સૂર્યા આઉટ થયો હતો. અને એ પછી મેદાન પર ઓલરાઉન્ડર હાર્દિક પંડયા ઉતર્યો હતો ઉતર્યો. મોહમ્મદ નવાઝની બોલિંગ દરમિયાન હાર્દિક ઝડપી રન લેવા દોડ્યો અને પાકિસ્તાનના વિકેટકીપર મોહમ્મદ રિઝવાન સાથે ટકરાયો હતો. એ સમયે લોકોનર થયું હતું કે માહોલ ગરમી પકડી શકે છે પણ એ સમયે તેનાથી બિલકુલ વિપરીત જ જોવા મળ્યું. એ સમયે હાર્દિક રિઝવાનને ગળે લગાવે છે અને એ પછી બંને હસતાં પણ નજર આવ્યા હતા.
છેલ્લા ઓવરમાં હાર્દિકનું રીએક્શન
છેલ્લી ઓવરમાં ભારતને જીતવા માટે સાત રનની જરૂર હતી. મોહમ્મદ નવાઝે પહેલા બોલ પર જાડેજાને આઉટ કર્યો હતો. આ પછી પંડ્યા ત્રીજા બોલ પર શોટ રમવા માંગતો હતો પરંતુ તેને ફિલ્ડરે રોક્યો હતો.એ સમયે પંડયા સાથે બીજો ખેલાડી દિનેશ કાર્તિક હતો અને એ સમયે ભારતને 3 બોલમાં 6 રનની જરૂર હતી. એ સમયે કાર્તિક તરફ જોઈને હાર્દિક પંડ્યાએ 'કાલીન ભૈયા' એટલે કે વેબ સિરીઝ મિર્ઝાપુરના પંકજ ત્રિપાઠી જેવી પ્રતિક્રિયા આપી હતી. જે હાલ સોશિયલ મીડિયા પર ઘણી વાયરલ થઈ રહી છે. લોકો હાર્દિકની આ પ્રતિક્રિયાને ખૂબ શેર કરીને તેના આત્મવિશ્વાસના વખાણ કરી રહ્યા છે. નવાઝના ચોથા બોલ પર હાર્દિકે સિક્સર ફટકારીને દેશને જીતની ભેટ આપી હતી.
સ્નાયુના દુખાવા છતાં પણ નસીમ અટક્યા નહીં
ટીમ ઈન્ડિયાની બેટિંગ સમયે 18મી ઓવરનો ચોથી બોલ 19 વર્ષનો બોલર નસીમ શાહ ફેંકી રહ્યો હતો એ સમયે સ્ટ્રાઈક પર રવીન્દ્ર જાડેજા હતા અને એ બોફ નસીમે ફેંકી ત્યારે બોલ જાડેજાના બેક પેડ સાથે ટકરાઇ એ સમયે અચાનક નસીમ જમીન પર બેસી પડ્યા હતા. તેમણે અચાનક સ્નાયુનું ખેંચાણ થતાં દુખાવો થવા લાગ્યો હતો. એ સમયે જાડેજાની વિકેટતો ન પડી પણ આટલી સ્પીડમાં બોલ ફેંકવાને કારણે નસીમને સ્નાયુનો દુખાવો જરૂર થવા લાગ્યો હતો. સ્નાયુના દુખાવા છતાં પણ નસીમ અટક્યા નહીં અને તુરંત ફરી ઊભા થઈને બોલિંગ કરવા લાગ્યા હતા.
દિનેશ કાર્તિકે જીત્યું લોકોનું દીલ
પંડયાએ સિક્સ લગાવીને ઇન્ડિયાને જીત અપાવી એ પછી નોનસ્ટ્રાઈક પર ઉભેલ દિનેશ કાર્તિક તેની પાસે ગયા અને માથું જુકાવીને તેને જીતની વધામણી આપી હતી. કાર્તિકે જે રીતે હાર્દિકના પર્ફોમન્સને સલામ કર્યું એ વિડીયો હાલ વાયરલ થઈ રહ્યો છે અને લોકોનું દિલ જીતી લીધું છે.