પર્દાફાશ / ગુજરાતના કદાવર ધારાસભ્યના દીકરાની ગેસ એજન્સીમાં ઝડપાયું આ કૌભાંડ, શું કાર્યવાહી થશે?

• હેપ્પીહોમ ગેસ એજન્સીમાં ગેસ રીફિલિંગનું કૌભાંડ
• ધારાસભ્યના દીકરાનું ગેસ રીફિલિંગ કૌભાંડ
• સતત બીજા વર્ષે ગેસ રીફિલિંગના કૌભાંડનો પર્દાફાશ

વડોદરાના ધારાસભ્ય જીતેન્દ્ર સુખડિયા(જીતુ સુખડિયા)ના દીકરા હિરેન સુખડિયાની ગેસ એજન્સીમાં કૌભાંડ બહાર આવ્યું છે. કારેલીબાગ વિસ્તારના ગોડાઉનમાં ગેસ રીફિલિંગ કૌભાંડ થતુ હોવાનું સામે આવ્યું છે. જોકે આ પહેલા પણ આ પ્રકારનું કૌભાંડ સામે આવ્યું છે. ગત વર્ષે પણ હેપ્પીહોમ ગેસ એજન્સીમાંથી કૌભાંડ ઝડપાયુ હતું. તે સમયે પુરવઠા વિભાગના અધિકારીઓએ માત્ર નોટિસ આપીને સંતોષ માની લીધો હતો. ધારાસભ્યના પુત્રના ત્યાથી 90 સિલિન્ડરો અને એક ટેમ્પો ઝડપીને આગળની કાર્યવાહી શરૂ કરી છે.

શું ધારાસભ્યનો દીકરો છે, તો ગમે તે કરશે?

ત્યારે કેટલાક સવાલ થાય છે કે શું ધારાસભ્યનો દીકરો છે, તો ગમે તે કરશે? ગેસ રીફિલિંગના કૌભાંડને લઇને હિરેન સુખડિયા અજાણ છે? હિરેન સુખડિયાને ખ્યાલ નથી આ ગંભીર બાબત છે? શું હિરેન સુખડિયાના દોરી સંચારથી ગેસ રીફિલિંગ થતું હતું? પુરવઠા વિભાગ કેમ માત્ર નોટિસ માનીને સંતોષ માને છે? શું ધારાસભ્યના દીકરાની એજન્સી હોવાથી કાર્યવાહી નથી થતી? હેપ્પી હોમ ગેસ એજન્સીનું લાયસન્સ રદ કેમ નથી કરાતું? ગ્રાહકોને કેમ છેતરે છે હેપ્પી હોમ ગેસ એજન્સી? ધારાસભ્યનો દીકરો જ લોકો સાથે વિશ્વાસઘાત કરશે તો કેમ ચાલશે?