ગરમી અને વરસાદની સીઝન વાળને માટે નુકસાનદાયી સાબિત થાય છે. ગરમીના દિવસોમાં પરસેવા અને ભેજના કારણે વાળ કડક અને બેજાન બની જાય છે. વરસાદની સીઝન નજીક છે ત્યારે વાળની કેર કરવી જરૂરી બને છે. જો તમે ઘરે જ કેટલાક નાના ઉપાયો અજમાવી લો છો તો વાળમાં ડેન્ડ્રફની સમસ્યા, વાળ તૂટવા અને બેજાન થવા જેવી સમસ્યામાંથી રાહત મેળવી શકાય છે. આ ઉપાયોથી વાળનો ગ્રોથ વધે છે, તે સિલ્કી બને છે અને સાથે જ તેમાં નવી ચમક આવે છે.
ગરમીમાં વાળ માટે બેસ્ટ છે આ ઉપાયો
આ ઘરેલૂ ઉપાયોથી બેજાન વાળ બનશે ચમકીલા
વાળની અનેક સમસ્યાઓમાં રામબાણ છે આ ઉપાયો
વાળને તૂટતા અને ખરતા અટકાવવા કરો આ 1 કામ
જો તમારા વાળ ગરમીમાં પરસેવાના કારણે કડક થઈ ગયા છો તો તમારે અઠવાડિયામાં 1 વાર વાળમાં તેલ લગાવીને 1 કલાક રહેવા દેવું. પછી વાળને શેમ્પૂ કરવા. વાળને સ્મૂધ રાખવા માટે કંડિશનરનો ઉપયોગ કરી શકાય છે. આ સાથે હેર માસ્કને પણ એપ્લાય કરવાનું ભૂલશો નહીં. તેનાથી તમે વાળને ખરતા અને તૂટતા અટકાવી શકશો. આ હેર કેર રૂટિન તમારા વાળને હેલ્ધી રાખે છે.
ઓઈલી અને ગૂંચવાયેલા વાળને આ રીતે કરો ઠીક
ગરમીમાં સ્કીન જ નહીં પણ વાળમાં પણ ચીકાશ દેખાય છે. તેનાથી વાળ એકમેકની સાથે ચોંટી જાય છે. જો તમારા વાળ પણ આવા થયા છે તો તમે એવા શેમ્પૂ અને કંડીશનરનો ઉપયોગ કરવો જેનાથી વાળ સિલ્કી રહે. ઓઈલી સ્કૈલ્પ માટે લાઈટવેટ શેમ્પૂ અને કંડીશનર કરવાથી તમને આ સમસ્યાથી રાહત મળી શકે છે.
ડેન્ડ્રફથી આ રીતે મેળવો છૂટકારો
જો તમે ગરમીમાં ડેન્ડ્રફથી પરેશાન છો તો તમારે એન્ટી ડેન્ડ્રફ શેમ્પૂનો ઉપયોગ કરવો. ગરમીમાં કેમિકલ વાળી પ્રોડક્ટનો ઉપયોગ ઓછો કરો તેટલું સારું રહે છે. ઘરેલૂ ઉપાયો જેમકે ડુંગળી અને લસણની પેસ્ટ લગાવીને પણ તમે ડેન્ડ્રફને દૂર કરી શકો છો.
વાળ ઓળવાની રીત બદલો
વાળના ગૂંચાઈ જવાનું એક કારણ તમારી વાળ ઓળવાની રીત હોઈ શકે છે. વાળમાં કાંસકો નીચેથી શરૂ કરીને મૂળ તરફ ફેરવવો. તેનાથી વાળની ગૂંચ ઉકેલાઈ જાય છે. શેમ્પૂ કરતાં પહેલાં ધ્યાન રાખવું કે વાળ સંપૂર્ણ રીતે ભીના હોય અને ગરમીમાં ગરમ પાણીથી વાળ ધોવાનું ટાળો. ઠંડા પાણીથી વાળ ધોવાથી તેમાં ચીકાશ નહીં રહે અને ઓછા તૂટશે.