ગુજરાતમાં લેવાયેલી ગુજકેટનું પરિણામ જાહેર કરવામાં આવ્યું છે. GSEB વેબસાઇટ પર પરિણામ મુકવામાં આવ્યું છે. જ્યારે માર્કશીટ માટે તારીખ આગામી દિવસોમાં જાહેર કરવામા આવશે. રાજ્યમાં 1 લાખ 6 હજાર 161 વિદ્યાર્થીઓએ પરીક્ષા આપી હતી.
ગજકેટનું પરિણામ જાહેર
GSEBની વેબસાઇટ પર પરિણામ મૂકાયું
1 લાખ 6 હજાર 161 વિદ્યાર્થીઓએ આપી હતી પરીક્ષા
વિદ્યાર્થીઓ પરિણામ www.gseb.org પરથી જોઇ શકશે. જો કે હાલ માર્કશીટનું વિતરણ કરવામાં આવશે નહીં. રાજ્યમાં 1.06 લાખ વિદ્યાર્થીઓ પરીક્ષા આપી હતી. જેમાં ગ્રુપ A માં 401 વિદ્યાર્થીઓએ 99 પરસેન્ટાઇલથી વધુ રેન્ક મેળવ્યો છે.
ગ્રુપ B માં 655 વિદ્યાર્થીઓએ 99 પરસેન્ટાઇલ માર્ક્સ મેળવ્યાં છે. જ્યારે 13 હજારથી વધુ વિદ્યાર્થીઓને 80 પરસેન્ટાઇલથી વધુ રેન્ક મળ્યો છે.
ઉલ્લેખનીય છે કે રાજ્યના 34 જિલ્લા મથક કેન્દ્રો પર ગુજકેટની પરીક્ષા લેવામાં આવી હતી. જેમાં 621 બિલ્ડિંગમાં, 6431 પરીક્ષાખંડમાં ગુજકેટની પરીક્ષા યોજાઇ હતી. પરીક્ષામાં સોશિયલ ડિસ્ટન્સની સાથે ZIGZAG પ્રકારે લેવામાં આવી હતી.