રાજ્યમાં 9મી ડિસેમ્બરથી 11મી ડિસેમ્બર સુધી ચાલનારા શિયાળુ સત્રનો આજે અંતિમ દિવસ છે. આજે સત્રમાં રજૂ થયેલા બિલની ચર્ચા પુરી ન થાય ત્યાં સુધી સત્ર ચાલશે. આઠ બિલ રજૂ કરવામાં આવ્યા છે વળી આજનો દિવસ ગુજરાતના ઈતિહાસમાં એટલા માટે પણ મહત્ત્વ રહેશે કે, ગૃહમાં આજે CAG અને ગોધરાકાંડનો રિપોર્ટ રજૂ થશે.
ગૃહમાં આજે CAG અને ગોધરાકાંડનો રિપોર્ટ રજૂ થશે
બિનસચિવાલય કલાર્કની પરીક્ષામાં થયેલી ગેરરીતિ પર પણ થશે ચર્ચા
બાકી રહેલા 2 બિલ પર ચર્ચા થશે
સત્રના અંતિમ દિવસે ખાસ પ્રસ્તાવ રજૂ કરાશે
CAGનો રિપોર્ટ રજૂ થશે
આજે વિધાનસભા ગૃહમાં શિયાળુ સત્રના અંતિમ દિવસે સરકારની કામગીરીના લેખા જોખા દર્શાવતા કેગનો રિપોર્ટ રજુ કરવામાં આવશે. વર્ષ 2017-18ના કેગ રિપોર્ટના આંકડા જાહેર થશે. સત્રમાં પ્રશ્નોત્તરી કાળ બાદ કેગનો રિપોર્ટ જાહેર થશે. ત્યારે વિપક્ષ સહિત રાજ્યના નાગરિકોની કેગના રિપોર્ટ પર નજર રહેશે.
ગોધરાકાંડનો રિપોર્ટ રજૂ કરાશે
ગોધરાકાંડનો રિપોર્ટ આજે વિધાનસભાના ટેબલ પર મુકવામાં આવશે. આ મામલે રચેલી તપાસ કમિટી જે જસ્ટિસ નાણાવટી, જસ્ટિસ મહેતાના વડપણ હેઠળ તપાસ કરતી હતી. આ કમિટીએ પોતાનો રિપોર્ટ સુપરત કર્યો છે. સાબરમતી એક્સપ્રેસના S-6 કોચમાં આગ લગાવવાની ઘટનાનો સમગ્ર રિપોર્ટ તૈયાર કર્યો છે. અત્યાર સુધી સરકારે લીધેલા પગલાં મામલે ગૃહને માહિતી આપવામાં આવશે. આ રિપોર્ટ ગૃહમંત્રી પ્રદીપસિંહ જાડેજા રજૂ કરવાના છે.