ગોંડલમાં બાહુબલી આરોપીઓ સાથે પોલીસકર્મીઓએ સેલ્ફી લીધી હતી. ભીમા દુલા સાથે પોલીસકર્મીઓ સેલ્ફી લઈ રહેલા હોવાનો વીડિયો સોશિયલ મીડિયામાં વાયરલ થયો છે. ગોંડલની સબજેલમાંથી નિકળી રહેલા આરોપી સાથે પોલીસકર્મીઓએ સેલ્ફી લેતા અનેક સવાલ ઉઠ્યા.
બાહુબલી આરોપી સાથે પોલીસકર્મીની સેલ્ફી વાયરલ
ભીમા દુલા સાથે પોલીસકર્મીની સેલ્ફીનો વીડિયો વાયરલ
ગોંડલની સબજેલની બહારનો વીડિયો થયો વાયરલ
આદિત્યાણા મર્ડર કેસમાં ભીમા દુલા જેલમાં બંધ હતો. ગુજરાત હાઈકોર્ટે ભીમાદુલાને આજીવન કેદની સજા સંભળાવી છે. ત્યારે હવે સુપ્રીમ કોર્ટે આરોપી ભીમા દુલાને જામીન મંજૂર કર્યા છે. ભીમાદુલા જેલમાંથી નિકળી રહ્યો હતો ત્યારે પોલીસકર્મીઓની સેલ્ફીથી ઘેલછાથી અનેક ચર્ચા છે.
ભીમા દુલા વિરૂદ્ધ 48 ગુન્હા નોંધાયેલા છે
ભીમાદુલા વિસ્તારનો નામચીન શખ્સ છે અને તેની સામે પોરબંદરના જુદા-જુદા પોલીસ સ્ટેશનમાં લગભગ 48 જેટલા ગુન્હા નોંધાયેલા છે જેમાં હત્યા, મારામારી, ખનિજચોરી, હથીયારધારા, ટાડા, જમીન પચાવી પાડવા અને અનેક લોકોને શારીરિક-માનસિક ત્રાસ આપવાના ગુન્હા ભુતકાળમાં નોંધાયેલા છે.
ગુજરાત હાઈકોર્ટે આપી છે આજીવન કેદની સજા
2004માં આદિત્યાણામાં પિતા-પુત્રની હત્યા કરવાના કેસમાં પોરબંદર પંથકના કુખ્યાત ભીમા દુલા ઓડેદરા અને તેના સાગરીત છગન કરશનભાઇ કારાવદરાને હાઇકોર્ટે આજીવન કેદની સજા ફટકારી છે.
13 વર્ષ પહેલા નાનકડી વાતમાં પિતા-પુત્રની જાહેરમાં હત્યા કરી હતી
તેર વર્ષ પહેલા 2004ની સાલમાં મોટરસાઇકલ અથડાવવાની બાબતે આદિત્યાણા ગામે રહેતા અને પથ્થરની દુકાન ધરાવતાં સંધી ઇસ્માઇલ હુશેનભાઇ મુંદ્રા(ઇસ્માઇલ ટીટી) અને તેમના પુત્ર યુસુફ તેની દુકાને બેઠા હતા ત્યારે ધસી આવેલા દસેક શખસે એ બન્ને પર હુમલો કરીને બન્નેની કરપીણ હત્યા કરી હતી. આ બનાવ અંગે પોલીસે ભીમા દુલા ઓડેદરા, છગન કરશનભાઇ કારવદરા સહિત 9ની ધરપકડ કરી હતી.
પોરબંદર કોર્ટે નિર્દોષ ઠરાવ્યો હતો.
આ કેસની સુનાવણી થઇ જતા પોરબંદરની કોર્ટે ભીમા દુલા ઓડેદરા નિર્દોષ ઠરાવીને છોડી મૂકવા આદેશ કર્યો હતો. આ હુકમ સામે ફરિયાદી અને સરકાર પક્ષે હાઇકોર્ટમાં અપીલ કરી હતી. આ અપીલની સુનાવણી થઇ જતાં હાઇકોર્ટ દ્વારા ભીમા દુલા ઓડેદરા અને છગન કારાવદરાને આજીવન કેદની સજાનો આદેશ કર્યો હતો.