એવોર્ડ / 25 ડિસેમ્બરે ગુજરાતી સિનેજગતનો સૌથી મોટો ઍવોર્ડ GIFA 2019 અમદાવાદમાં, આ ફિલ્મને મળ્યાં 21 નોમિનેશન્સ

છેલ્લા ત્રણ વર્ષની ભવ્ય સફળતા બાદ ગુજરાતી તરીકે ગર્વ અપાવનાર “ગુજરાતી આઇકોનિક ફિલ્મ એવોર્ડઝ” ભારતનો સૌથી મોટો ગુજરાતી ફિલ્મોનો એવોર્ડ સમારંભ બની ગયેલ છે અને હવે ચોથા વર્ષે ગુજરાતી ફિલ્મોને વિશ્વ ફલક પર લઇ જવાના હેતુસર આગામી વર્ષે ગુજરાતી આઇકોનિક ફિલ્મ ફેસ્ટીવલની શરૂઆત કેનેડાના ટોરન્ટોથી થશે. 

છેલ્લા ત્રણ વર્ષથી રીલીઝ થયેલી ફિલ્મોને એવોર્ડ આપી પ્રોત્સાહિત કરતો GIFA ૨૦૧૯ની તારીખ જાહેર થઇ ચુકી છે. આ વર્ષે એટલે નવેમ્બર ૨૦૧૮ થી નવેમ્બર ૨૦૧૯ ની વચ્ચે ઘણી સફળ ફિલ્મો રીલીઝ થઇ. જેમાંથી કેટલીક ફિલ્મોને GIFAમાં નોમિનેશન મળ્યું છે. ગયા વર્ષે ૭૦ કરતા પણ વધુ ફિલ્મો રીલીઝ થયેલી જેની સરખામણીએ આ વર્ષે ઓછી ફિલ્મો રીલીઝ થઇ પણ સફળતાનો રેશિયો વધુ રહ્યો. ઘણા નવા ફિલ્મ મેકર્સ ફિલ્મ ઇન્ડસ્ટ્રીમાં પગદંડો જમાવી દીધો. 

કઈ ફિલ્મોને કેટલા નોમીનેશન્સ?

એટલે આમ જોવા જઈએ તો આ ઍવોર્ડમાં સૌથી વધુ નોમીનેશન્સ વિજયગીરી બાવા દિગ્દર્શિત ફિલ્મ ‘મોન્ટુ ની બિટ્ટુ’ ને ૨૧ નોમીનેશન્સ મળ્યાં છે. જયારે પ્રતિક ગાંધી અભિનીત ફિલ્મ ‘ધુનકી’ ને ૧૩ નોમીનેશન્સ મળ્યા છે. ફિલ્મમાં કંઇક હટકે વિષયવસ્તુ હતી જેથી લોકોને ફિલ્મ જોવી ગમી હતી. 

જયારે અમુક ફિલ્મો 'હવે થશે બાપ રે', 'હંગામા હાઉસ', 'કુટુંબ', 'વિજયપથ', 'દાદા હો દીકરી', 'પ્રેમમાં પંચર', 'પ્રિત કટારી', 'જલસાઘર', 'સાહિલ', 'ફેકબૂક ધમાલ' અને 'યાર આવું તો થયા કરે' પણ આ એવોર્ડમાં નોમીનેટ થઇ છે. 

અલગ અલગ ૨૩ કેટેગરીમાં આ એવોર્ડ આપવામાં આવશે. જે કેટેગરીમાં કોઈ ચેન્જ નથી થયા પણ ફિલ્મ નોમીનેશન્સ જાહેર કરવાની પ્રક્રિયા આ વર્ષે GIFAએ અનોખી રીતે કરી તેનો ગુજરાતી ફિલ્મ ઇન્ડસ્ટ્રીઝમાં ઉત્સાહ જોવાઈ રહ્યો છે. હવે જોઈએ આ વર્ષે જીફા બેસ્ટ કેટેગરી એવોર્ડ કોને ફાળે જાય છે. તો તૈયાર રહો આગામી ૨૫ ડિસેમ્બરે થવા જઈ રહેલ GIFA એવોર્ડને માણવા!