ગુજરાત હાઈકોર્ટે સરકારને હેલ્મેટ પહેરવાના નિયમોને કડકાઈથી અમલવારી કરાવવા ટકોર કરી
રાજ્યમાં હેલમેટ પહેરવાના નિયમ અંગે ટકોર
ગુજરાત હાઈકોર્ટે કહ્યું કડકાઈથી કરાવો અમલ
સરકાર ન રાખે ઢીલાશ: હાઈકોર્ટ
હાઈકોર્ટે સરકારને કહ્યું કડકાઈથી કરાવો અમલ
હેલ્મેટ પહેરવાના નિયમનો કડકાઈથી અમલ કરવાના સંકેત મળી રહ્યા છે. ગુજરાત હાઈકોર્ટ દ્વારા સરકારને હેલ્મેટ પહેરવાના નિયમનો કડકાઈથી અમલ કરવા ટકોર કરવામાં આવી છે. હાઈકોર્ટે જણાવ્યું કે, લોકોની સુરક્ષાની બાબતની અમલવારી થવી જ જોઈએ. સરકાર શા માટે આ બાબતે ઢીલાશ રાખે છે. આ મમાલે હાઈકોર્ટમાં સરકારી વકીલે નિયમની કડક અમલવારીની આપી ખાતરી હતી.
ગુજરાત પોલીસ દ્વારા 6થી 15 માર્ચ દરમિયાન એક સ્પેશિયલ ડ્રાઈવ યોજી હતી.
તાજેતરમાં ગુજરાત પોલીસ દ્વારા 6થી 15 માર્ચ દરમિયાન એક સ્પેશિયલ ડ્રાઈવ યોજવામાં હતી. જે દરમિયાન કોઈ વાહન ચાલકે હેલ્મેટ વિના કે પછી કારનો સીટ બેલ્ટ નહીં બાંધ્યો હોય તો દંડાત્મક કાર્યવાહી શરૂ કરી હતી. સાથે જ પોલીસને એવો પણ આદેશ કરવામાં આવ્યો છે કે, શહેર અને જિલ્લામાં રોજની કામગીરીની સમીક્ષા કર્યા બાદ તેનો અહેવાલ પણ મોકલવામાં આવે.
તાજેતરમાં રોડ સેફ્ટીની સમીક્ષા બેઠક યોજવામાં આવી હતી
મહત્વનું છે કે, તાજેતરમાં ગુજરાત પોલીસ માટે જાહેર કરવામાં આવેલા પત્રમાં કહેવાયુ છે કે, સુપ્રીમ કોર્ટ કમિટી ઓન રોડ સેફ્ટી દ્વારા રાજ્યની સમાયાંતરે યોજાતી સેફ્ટી કાઉન્સિલની બેઠકમાં રોડ સેફ્ટીની સમીક્ષા બેઠક યોજવામાં આવી હતી. આ સમીક્ષા બેઠકમાં રાજ્યમાં થતા અકસ્માતોની ચર્ચા કરવામાં આવી હતી. તેમજ રોડ અકસ્માતમાં ઘટાડો લાવવા માટે તેમજ ટ્રાફિક નિયમોની સુયોગ્ય અમલવારી કરાવવા માટે ગુજરાત પોલીસને આદેશ કરવામાં આવ્યો છે.