IPLIN
 

ચિંતા / 1510 નવા કેસ: અમદાવાદમાં એક જ દિવસમાં 13 લોકોના મોત, મૃત્યુઆંકમાં થઇ રહ્યો છે ચિંતાજનક વધારો

Team VTV 07:29 PM, 04 Dec 20 | Updated: 07:39 PM, 04 Dec 20
Follow us
Gujarat health department coronavirus update 4 december 2020 Gujarat

ગુજરાતમાં તહેવારો, પ્રસંગોની સિઝન અને શિયાળાની શરૂઆત બાદથી જ કોરોનાનું સંક્રમણ વધ્યું છે. છેલ્લા કેટલાક દિવસોથી રેકોર્ડબ્રેક કેસ સામે આવી રહ્યા છે. તો અમદાવાદમાં મોતના આંકડા જોઇને રાજ્ય અને કેન્દ્ર સરકાર પણ ચિંતામાં મુકાઇ ગઇ છે. જ્યારે વડોદરા, સુરત અને રાજકોટમાં પણ કોરોનાની પરિસ્થિતિ વણસી રહી છે. જોકે રિકવરી રેટ 91 ટકાને પાર પહોંચ્યો છે. રાજ્ય સરકાર દ્વારા જાહેર કરવામાં આવેલ આંકડાઓ અનુસાર છેલ્લા 24 કલાકમાં 1510 નવા કેસ સામે આવ્યા છે. 

  • 24 કલાકમાં નવા 1510 કેસ સાથે કુલ કેસનો આંકડો 215819 પર પહોંચ્યો
  • 1627 દર્દીઓ સાજા થતાં અત્યાર સુધીમાં કુલ 196992 થયો
  • રાજ્યમાં હાલમાં 14778 એક્ટિવ કેસ

કોરોના વાયરસના 1510 નવા કેસની સામે આજે 1627 દર્દીઓ સાજા થયા છે.અત્યાર સુધીમાં કુલ સાજા થયેલા દર્દીઓનો આંકડો 1,96,992 પર પહોંચ્યો છે. 24 કલાક દરમિયાન 18 દર્દીઓના સારવાર દરમિયાન મોત થયા છે તો કુલ મૃત્યુઆંક 4049 પર પહોંચ્યો છે. તો રાજ્યમાં હાલ 92 લોકો વેન્ટિલેટર પર છે. 

રાજ્યમાં હાલમાં 14778 એક્ટિવ કેસ

ઉલ્લેખનીય છે કે, રાજ્યમાં હાલમાં 14778 એક્ટિવ કેસ છે. રાજ્યમાં રિકવરી રેટ 91.28 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 69,324 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 81,02,712 પર પહોંચ્યો છે. 

અમદાવાદમાં એક જ દિવસમાં 13 લોકોના મોત 

અમદાવાદમાં દિવસેને દિવસે કોરોના બેકાબૂ બની રહ્યો છે ત્યારે એક જ દિવસમાં 13 લોકોના મોત થયાં હતા. તો અત્યાર સુધીમાં 2100 લોકોને કોરોના ભરખી ગયો હતો. 

અમદાવાદ જિલ્લામાં 322 કેસ આવતા ચિંતા વધી 

આજે અમદાવાદ શહેરમાં 298, અમદાવાદ જિલ્લામાં 24, સુરત શહેરમાં 212, સુરત જિલ્લામાં 37, વડોદરા શહેરમાં 132, વડોદરા જિલ્લામાં 42, રાજકોટ શહેરમાં 90, રાજકોટ જિલ્લામાં 50, ઉત્તર ગુજરાતના મહેસાણામાં નવા 64 કોરોનાના કેસ નોંધાયા છે. નોંધનીય છે કે, અમદાવાદ બાદ સુરતમાં કોરોનાને લઇને સ્થિતિ વધુ વણસેલી છે.
 

રાજ્યના તમામ જિલ્લામાં છેલ્લા 24 કલાકમાં નોંધાયેલા કેસની વિગત 

04/12/2020 પોઝિટિવ કેસ
અમદાવાદ 322
સુરત 249
વડોદરા 174
ગાંધીનગર 73
ભાવનગર 25
બનાસકાંઠા 46
આણંદ 10
રાજકોટ 143
અરવલ્લી 12
મહેસાણા 64
પંચમહાલ 29
બોટાદ 4
મહીસાગર 18
ખેડા 32
પાટણ 36
જામનગર 51
ભરૂચ 21
સાબરકાંઠા 29
ગીર સોમનાથ 8
દાહોદ 19
છોટા ઉદેપુર 15
કચ્છ 18
નર્મદા 9
દેવભૂમિ દ્વારકા 6
વલસાડ 0
નવસારી 3
જૂનાગઢ 28
પોરબંદર 5
સુરેન્દ્રનગર 19
મોરબી 22
તાપી 1
ડાંગ 0
અમરેલી 19
અન્ય રાજ્ય 0
મહામારી Gujarat health department gujarat Coronavirus update કોરોના વાયરસ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ