ગુજરાતમાં આ વર્ષનું ચોમાસુ વિદાય લઇ રહ્યું છે. ત્યારે રાજ્યભરમાં આ વર્ષે વરસાદ અંદાજે 140 ટકા જેટલો વરસ્યો છે. ભારે વરસાદના પગલે રાજ્યમાં ઘણા જિલ્લામાં ખેડૂતોના પાકને નુકસાન જોવા મળ્યું છે. ત્યારે સરકાર દ્વારા મગફળીની ટેકાના ભાવે ખરીદી કરવાની પ્રક્રિયા આવતી કાલથી શરુ કરાશે. ટેકાના ભાવે મગફળીની પ્રક્રિયા 90 દિવસ સુધી ચાલશે.
આવતીકાલથી મગફળીની ટેકાના ભાવે ખરીદી શરૂ કરાશે
રૂ.1055 પ્રતિ મણના ભાવે મગફળીની ખરીદી કરાશે
ટેકાના ભાવે મગફળીની પ્રક્રિયા 90 દિવસ સુધી ચાલશે
રાજ્ય સરકાર દ્વારા આવતી કાલથી મગફળીની ટેકાના ભાવે ખરીદી શરૂ કરવામાં આવી રહી છે. જેમાં 1055 પ્રતિ મણના ભાવે મગફળીની ખરીદી કરવામાં આશે. ટેકાના ભાવે મગફળીની પ્રક્રિયા 90 દિવસ સુધી ચાલશે.
રાજ્યના દરેક ખેડૂત પાસેથી 2500 કિલો મગફળીની ખરીદી કરવામાં આવશે. 31 ઓક્ટોબર સુધી ખેડૂતો રજિસ્ટ્રેશન કરાવી શકશે. ઉલ્લેખનીય રાજ્ય સરકારે આગામી 21મી ઓક્ટોબરથી રાજ્યમાં મગફળીની ટેકાના ભાવે ખરીદી શરુ કરવાની આ અગાઉ જાહેરાત કરવામાં આવી હતી.
ઉલ્લેખનીય છે કે રાજ્યમાં ટેકાના ભાવે મગફળી ખરીદીના મામલે પુરવઠા વિભાગ દ્વારા તૈયારીઓ કરવામાં આવી હતી. જેમાં રાજ્યભરમાં 1500થી વધારે ગોડાઉન ભાડે રાખવાની તૈયારીઓ કરાઇ હતી.