દેશ અને ગુજરાતમાં કોરોના કેસમાં વધારો જોવા મળી રહ્યો છે. ત્યારે હવે અમદાવાદમાં કોરોના પાછો ફર્યો હોય તેવું લાગ છે. અમદાવાદમાં ફરી એક વિદ્યાસંકુલમાં કોરોનાની એન્ટ્રી થઇ ચૂકી છે.
અમદાવાદમાં ફરી એક વિદ્યાસંકુલમાં કોરોનાની એન્ટ્રી
NIDના 24 વિદ્યાર્થીઓનો કોરોના રિપોર્ટ પોઝિટિવ
ગુજરાતમાં 37 નવા કોરોના વાયરસના કેસ
આજે ગુજરાતમાં 37 નવા કોરોના વાયરસના કેસ નોંધાયા છે. તો 15 દર્દી સાજા થયા છે. રાજ્યમાં સાજા થવાનો દર 99.09 ટકા છે. તો રાજ્યમાં એક્ટિવ કેસ 147 છે જેમાંથી 2 દર્દી વેન્ટિલેટર પર છે. આજે અમદાવાદ શહેરમાં 34 નવા કોરોનાના કેસ નોંધાયા છે, તો અમદાવાદ ગ્રામ્યમાં 1, જામનગર શહેરમાં 1 અને વડોદરા શહેરમાં 1 કેસ નોંધાયો છે. મહત્વનું છે કે, ગઇકાલે(7-5-2022)ના રોજ ગુજરાતમાં કોરોનાના 27 કેસ નોંધાયા હતા, જેમાં સૌથી વધુ અમદાવાદ શહેરમાં કોરોનાના 13 કેસ નોંધાયા હતા.
અમદાવાદમાં ફરી એક વિદ્યાસંકુલમાં કોરોનાની એન્ટ્રી
ત્યારે હવે અમદાવાદમાં કોરોનાનો પગ પેસારો જોવા મળી રહ્યો છે. અમદાવાદના પાલડીમાં આવેલા NID વિદ્યાસંકુલમાં કુલ 24 વિદ્યાર્થીઓનો કોરોના રિપોર્ટ પોઝિટિવ આવ્યો છે. મનપાના આરોગ્ય અધિકારીના જણાવ્યા અનુસાર, NIDમાં છેલ્લા 3 દિવસમાં આ કેસો નોંધાયા છે. હાલ આ તમામ વિદ્યાર્થીઓને આઇસોલેટ કરવામાં આવ્યા છે. કોરોના પોઝિટિવ આવેલા વિદ્યાર્થીઓમાં કેટલાક વિદેશના અને કેટલાક સ્થાનિક છે. હાલ તંત્ર દ્વારા વિદેશી વિદ્યાર્થીઓની ટ્રાવેલ હિસ્ટ્રી અંગે તપાસ કરવામાં આવી રહી છે.
NID કેમ્પસને માઇક્રો કન્ટેઇનમેન્ટ ઝોન તરીકે જાહેર કરાયું
અમદાવાદ શહેરના NID કેમ્પસ, પાલડીના 1 વિસ્તારને માઈક્રો કન્ટેઇન્મેન્ટ વિસ્તાર તરીકે જાહેર કરાયો છે. કેમ્પસની શૈક્ષણિક કામગીરી સ્થગિત કરી દેવામાં આવી છે. NEW BOYS Hostel and C Block, NID, Paldi માઈક્રો કન્ટેઈન્મેન્ટ જાહેર કરાયું છે.