આજે ગુજરાત વિધાનસભામાં ગુજરાત બજેટ 2020 રજૂ કરવામાં આવી રહ્યું છે. રાજ્યના નાણામંત્રી અને નાયબ મુખ્યમંત્રી નીતિન પટેલ બજેટ રજૂ કરી રહ્યા છે. ત્યારે જાણો આ બજેટમાં શું છે મહત્વની જાહેરાતો...
કૃષિ અને ખેડૂત કલ્યાણ માટે બજેટમાં 27,423 કરોડની જોગવાઈ
ખાતેદાર ખેડૂતોને અકસ્માત વીમા હેઠળ 72 કરોડની જોગવાઈ કરાઇ છે. કૃષિ અને ખેડૂત કલ્યાણ માટે બજેટમાં 7423 કરોડની જોગવાઈ કરવામાં આવી છે. ખેડૂતોને ઝીરો ટકા વ્યાજે ધિરાણ મળે તે માટે 1000 કરોડની જોગવાઈ કરાઇ છે. ખેડૂતોને પાક વિમાનું પ્રીમિયમ ભરવા 1190 કરોડની જોગવાઈ અને રાષ્ટ્રીય કૃષિ વિકાસ યોજના અને તેને સંલગ્ન પ્રોજેક્ટ માટે 300 કરોડની જોગવાઈ કરાઇ છે. એગ્રો અને ફૂડ પ્રોસેસિંગ એકમોને સહાય માટે 34 કરોડની જોગવાઈ કરવામાં આવી છે.
ખેડૂતોને ઝીરો ટકા વ્યાજ દરે ધીરાણ માટે 1 હજાર કરોડ
પ્રથમ તબક્કામાં 5 હજાર ખેડૂતોને લાભ આપવાનો લક્ષ્યાંક રખાયો છે. આ યોજના માટે બજેટમાં ૩૦ કરોડની જોગવાઈ કરાઇ છે. ખેડૂતોને ઝીરો ટકા વ્યાજ દરે ધીરાણ માટે 1 હજાર કરોડની જોગવાઇ કરાઇ છે. પાક વીમાનુ પ્રિમિયમ ભરવા માટે 1190 કરોડની જોગવાઈ કરવામાં આવી છે. કૃષિ અને વિવિધ પ્રોજેક્ટો માટે 300 કરોડ રૂપિયાની જોગવાઇ.
શિક્ષણ વિભાગ માટે કુલ 31,955 કરોડની જોગવાઇ
ગુજરાત સરકારના બજેટમાં શિક્ષણ વિભાગ માટે કુલ 31,955 કરોડની જોગવાઇ કરવામાં આવી છે. સરકારી શાળાઓમાં ગુણવત્તાયુક્ત શિક્ષણ માટે સ્કૂલ ઓફ એક્સલન્સ યોજના. 500 શાળાઓને સ્કૂલ ઓફ એક્સલન્સ તરીકે વિકસાવાશે. શાળાઓમાં સુવિધાઓ માટે 250 કરોડની જોગવાઇ. પ્રાથમિક શાળાઓમાં 7000 વર્ગખંડોનું બાંધકામ થશે. 7000 વર્ગખંડો માટે 650 કરોડની જોગવાઇ કરાઇ છે. શાળાઓમાં ઓનલાઇન રિયલ ટાઇમ મોનિટરિંગ કરાશે. રિયલ ટાઇમ મોનિટરિંગ માટે કમાન્ડ એન્ડ કંટ્રોલ સેન્ટર. કમાન્ડ એન્ડ કંટ્રોલ સેન્ટર માટે 188 કરોડની જોગવાઇ. મધ્યાહન ભોજન યોજના માટે અન્ન સંગમ યોજના. અન્ન સંગમ યોજના માટે 980 કરોડની જોગવાઇ. રાઇટ ટુ એજ્યુકેશન એક્ટ હેઠળ 550 કરોડ. વર્ચ્યૂઅલ ક્લાસરૂમ-જ્ઞાનકુંજ સવલત માટે 125 કરોડ. વ્યારામાં 14 કરોડના ખર્ચે નવું જિલ્લા શિક્ષણ-તાલીમ ભવન.
કોલેજમાં 3 લાખ વિદ્યાર્થીઓને ટેબલેટ યોજના
ટેબલેટ યોજના માટે 200 કરોડની જોગવાઇ. ટેક્નિકલ શિક્ષણ સંસ્થાઓમાં બાંધકામ-મરામત માટે 155 કરોડ. સરકારી યુનિવર્સિટીઓના બાંધકામ-ભવન નિર્માણ માટે 246 કરોડ. સ્ટડી ઇન ગુજરાત કાર્યક્રમ માટે 10 કરોડની જોગવાઇ. કાછલ-મહુવા, ડેડીયાપાડ, ખેરગામ કોલેજમાં વિજ્ઞાન પ્રવાહ શરૂ થશે. નવી 7 ગ્રાન્ટ ઇન એઇડ વિજ્ઞાન પ્રવાહ કોલેજ શરૂ થશે. ડિપાર્ટમેન્ટ ઓફ એડવાન્સ ડિફેન્સ ટેક્નોલોજીનો અભ્યાસક્રમ માટે 12 કરોડની જોગવાઇ.
નિરાધાર વૃદ્ધ પેન્શન યોજના હેઠળ હવે 75 વર્ષથી વધુના વૃદ્ધોને રૂ. 750ને બદલે રૂ.1000ની સહાય ચૂકવાશે. જ્યારે 80 ટકાથી વધુ માનસિક દિવ્યાંગતા ધરાવતા લોકોને મહિને રૂ.600ની જગ્યાએ રૂ.1000ની સહાય ચૂકવવામાં આવશે. વૃદ્ધાશ્રમોની નિભાવ ગ્રાન્ટ માસિક રૂ.1500થી વધારી રૂ. 2160 કરવામાં આવશે.
સોમનાથ-દ્વારકાની મુલાકાત લઈ શકાય તે માટે વિમાન સેવા શરૂ કરવા 1 કરોડની જોગવાઇ
પવિત્ર યાત્રાધામ માટે 147 કરોડની જોગવાઇ કરાઇ છે. જ્યારે સોમનાથ અને દ્વારિકાની એક જ દિવસમાં મુલાકાત લઈ શકાય તે માટે વિમાન સેવા શરૂ કરવા માટે 1 કરોડ રૂપિયાની જોગવાઇ કરવામાં આવી છે.
ગુજરાત સરકારના વર્ષ 2020-21ના રજૂ થયેલા બજેટની મુખ્ય વાતો
જળસંપતિ વિભાગની વિવિધ કામગીરી માટે રૂ. 7220 કરોડની જોગવાઈ
શિક્ષણ વિભાગ માટે કુલ રૂ. 31955 કરોડની જોગવાઈ
આરોગ્ય અને પરિવાર કલ્યાણ વિભાગ માટે કુલ રૂ. 11243 કરોડની જોગવાઈ
મહિલા અને બાળ વિકાસ વિભાગ માટે રૂ. 3150 કરોડની જોગવાઈ
પાણી પુરવઠા પ્રભાગ માટે રૂ. 4317 કરોડની જોગવાઈ
સામાજિક ન્યાય અને અધિકારીતા વિભાગ માટે રૂ. 4321 કરોડની જોગવાઈ
આદિજાતિ વિકાસ વિભાગ માટે રૂ. 2675 કરોડની જોગવાઈ
પંચાયત ગ્રામ ગૃહ નિર્માણ અને ગ્રામ વિકાસ વિભાગ માટે રૂ. 9091 કરોડની જોગવાઈ
શહેરી વિકાસ અને શહેરી ગૃહ નિર્માણ વિભાગ માટે રૂ. 13440 કરોડની જોગવાઈ
શ્રમ અને રોજગાર વિભાગ માટે રૂ. 1461 કરોડની જોગવાઈ
માર્ગ અને મકાન વિભાગ માટે રૂ. 10200 કરોડની જોગવાઈ
બંદરો અને વાહન વ્યવહાર વિભાગ માટે રૂ. 1397 કરોડની જોગવાઈ
ઉર્જા અને પેટ્રો કેમિકલ્સ વિભાગ માટે રૂ. 13917 કરોડની જોગવાઈ
ક્લાઈમેટ ચેન્જ વિભાગ માટે રૂ. 1019 કરોડની જોગવાઈ
ઉદ્યોગ અને ખાન વિભાગ માટે રૂ. 7017 કરોડની જોગવાઈ
પ્રવાસન વિભાગ માટે રૂ. 480 કરોડની જોગવાઈ
સ્ટેચ્યુ ઓફ યુનિટી માટે રૂ. 387 કરોડની જોગવાઈ
વન અને પર્યાવરણ વિભાગ માટે રૂ. 1781 કરોડની જોગવાઈ
ગૃહ વિભાગ માટે રૂ. 7503 કરોડની જોગવાઈ
અન્ન અને નાગરિક પુરવઠા વિભાગ માટે રૂ. 1271 કરોડની જોગવાઈ
મહેસુલ વિભાગ માટે રૂ. 4473 કરોડની જોગવાઈ
વિજ્ઞાન અને પ્રોદ્યોગિક વિભાગ માટે રૂ. 497 કરોડની જોગવાઈ
રમત ગમત, યુવા અને સાંસ્કૃતિક વિભાગ માટે રૂ. 560 કરોડની જોગવાઈ
માહિતી અને પ્રસારણ વિભાગ માટે રૂ. 169 કરોડની જોગવાઈ