આજથી દેશમાં GSTના નવા દર લાગૂ થઈ ગયા છે. જેનાથી હોસ્પિટલમાં સારવાર લેવાનું પણ મોંઘુ થઈ જશે.
દેશભરમાં આજથી લાગૂ થયા નવા નિયમો
હવે હોસ્પિટલોમાં સારવાર લેવી મોંઘી થશે
હોસ્પિટલના રૂમ પર પણ લાગશે જીએસટી ચાર્જ
હોસ્પિટલોમાં સારવાર લેવી મોંઘી થઈ ગઈ છે. હોસ્પિટલમાં નોન-આઈસીયુ રૂમ જેનું ભાડૂ 5000 રૂપિયા પ્રતિ દિવસથી વધારે છે, તેના પર 5 ટકા જીએસટી ચુકવવાનો રહેશે. હકીકતમાં 28થી 29 જૂનના રોજ જીએસટી કાઉન્સિલની 47મી બેઠકમાં આ બાબતે નિર્ણય લેવામાં આવ્યો હતો જે 18 જૂલાઈ 2022થી લાગૂ થઈ ગયો છે. જો કે, જીએસટી કાઉન્સિલના આ નિર્ણયની ખૂબ ટીકા પણ થઈ રહી છે.
મોંઘી થશે સારવાર
હેલ્થકેર ઈંડસ્ટ્રીથી લઈને હોસ્પિટલ એસોસિએશન અને બીજા સ્ટેકહોલ્ડ્સ સતત સરકારના આ નિર્ણયને પાછા લેવાની માગ કરી રહ્યા છે. તેમનું કહેવુ છે કે, હોસ્પિટલના બેડ પર જીએસટી લગાવાથી સારવાર મોંઘી થઈ જશે. સાથે જ તેનાથી હેલ્થકેર ઈંડસ્ટ્રીઝમાં કંમ્પાલાયંસ સાથે જોડાયેલા મુદ્દા ઊભા થશે, કારણ કે હેલ્થકેર ઈંડસ્ટ્રીને અત્યાર સુધી છૂટ મળતી હતી.
જીએસટી લગાવાની અસર
માની લો કે એક દિવસનું હોસ્પિટલનું ભાડુ 5000 રૂપિયા છે, તો તેના પર 250 રૂપિયા જીએસટી ચુકવવો પડશે, જો કોઈ દર્દી હોસ્પિટલમાં બે દિવસ રોકાશે તો તેને 10,000 રૂપિયા ભાડાની સાથે 10,500 રૂપિયા આપવા પડશે. દર્દી જેટલા વધારે દિવસ હોસ્પિટલમાં રોકાશે, તેને તેટલો જ વધારે ટેક્સ ચુકવવો પડશે.
GST લગાવાથી કંફ્યુઝન વધશે
ફિક્કીના પ્રેસીડેંટ સંજીવ મહેતાએ પણ નાણામંત્રી નિર્મલા સીતારમણને પત્ર લખીને કહ્યું કે, તેનાથી દર્દીઓને સારવાર કરાવાનું મોંઘુ થઈ જશે. સાથે જ તેમણે પત્રમાં લખ્યું છે કે, હોસ્પિટલના રૂમનું ભાડૂ સારવાર માટે નક્કી કરેલા પેકેજ રેટનો ભાગ હોય છે. જો પેકેજના એક ભાગ પર ટેક્સ લગાવાથી અસમંજસની સ્થિતિ ઊભી થશે. જે ખુદ સરકારના ઉદ્દેશ્યની વિરુદ્ધમાં છે. સરકારે આયુષ્યમાન ભારત, જીએમજેએવાઈ સ્કીમ અંતર્ગત બીજી હેલ્થકેર સ્કીમોમાં ખાનગી ક્ષેત્રથી સારવારનો પુરો ખર્ચની જાણકારી દર્દીઓના પેકેજ રેટ દ્વારા આપવાની વાત કહી છે. તેનાથી સરકારના ઈઝ ઓફ ડુઈંગ પ્રયાસોને પણ ઝટકો લાગશે.