સપરમાં દહાડામાં વહેલી સવારે એક એસટી બસ પુલ પરથી નીચે ખાબકી હતી જેમાં ડ્રાઈવર સહિત 15થી વધુ મુસાફરો ઘાયલ થયા છે. હાલ તો આ તમામને સારવાર અપાઈ રહી છે.
ST બસ પુલ પરથી નીચે ખાબકી
અમરેલી હાઇવે પરથી બસ નીચે ખાબકી
બસ પલટી ખાતા 15 મુસાફરો ઘાયલ
ઘાયલોને સારવાર માટે ખસેડાયા
અમરેલીમાં એસટી બસ પુલ પરથી નીચે ખાબકી હોવાની ઘટના સામે આવી છે.
લાઠી-અમરેલી હાઇવે પરથી બસ નીચે ખાબકી છે.વોલ્વો બસ દીવ તરફ જઇ રહી હતી ત્યારે ઘટના બની છે.બસ પલટી ખાતા 15 મુસાફરો ઘાયલ થયો છે.ત્યારે ઘાયલ મુસાફરોને હાલ સારવાર માટે હોસ્પિટલ ખેસડવામાં આવ્યાં છે.
ડ્રાઈવર સહિત 15 મુસાફરો ઘાયલ
વહેલી પરોઢે 4 વાગ્યાની આસપાસ લાઠી નજીક બસને અકસ્માત નડ્યો. એક ટ્રક બસની સામે આવી ચઢતા વોલ્વોના ડ્રાઇવરે બસને બચાવવાનો પ્રયાસ કર્યો હતો.
જોકે, આ પ્રયાસમાં બસ પલટીને રોડની નીચે જતી રહી હતી. આ અકસ્માતમાં તમામ મુસાફરોને નાની મોટી ઇજા પહોંચી હશે જ્યારે 4 લોકોને થોડી વધારે ગંભીર ઇજા થઈ હતી. અકસ્માતમાં વોલ્વોનો ડ્રાઇવર પર લોહીલૂહાણ થયો હતો અને તેને પણ ઇજા પહોંચી હતી.