BIG BREAKING / GPSCની પરીક્ષામાં ફેરફાર, 29 જાન્યુ.એ યોજાનારી મદદનીશ ઈજનેર વર્ગ 2ની પરીક્ષા આ કારણે મોકૂફ

• GPSCની પરીક્ષાને લઈ મહત્વના સમાચાર
• 29 જાન્યુઆરીમાં GPSCની પરીક્ષા મોકૂફ
• મદદનીશ ઈજનેર વર્ગ 2ની પરીક્ષા મોકૂફ
• 29 જાન્યુઆરીએ જુનિયર ક્લાર્કની લેવાશે પરીક્ષા

સ્પર્ધાત્મક પરીક્ષાની તૈયારી કરી રહેલા યુવક-યુવતીઓ માટે મહત્વના સમાચાર સામે આવી રહ્યા છે. ગુજરાત પંચાયત સેવા પસંદગી મંડળ દ્વારા જુનિયર ક્લાર્કની પરીક્ષાની તારીખમાં ફેરફાર કરવામાં આવ્યો હતો જે બાદ GPSCએ પરીક્ષાને લઈ મહત્વનો નિર્ણય લીધો છે. 29 જાન્યુઆરીમાં GPSCની પરીક્ષા મોકૂફ રાખવામાં આવી છે અને 29 જાન્યુઆરીએ જુનિયર ક્લાર્કની લેવાશે પરીક્ષા.

GPSCની પરીક્ષાને લઈ મહત્વના સમાચાર
GPSCની પરીક્ષાને લઈ મહત્વના સમાચાર સામે આવ્યા છે. 29 જાન્યુઆરી લેવાનાર GPSCની પરીક્ષા મોકૂફ રાખવામાં આવી છે. મદદનીશ ઈજનેર વર્ગ 2ની પરીક્ષા મોકૂફ રાખવામાં આવી છે. 29 જાન્યુઆરીએ જુનિયર ક્લાર્કની પરીક્ષા  લેવાશે. તમને જણાવી દઈએ કે, 29 જાન્યુઆરીએ GPSCની અને જુનિયર ક્લાર્કની એમ બંન્ને પરીક્ષાઓ હતી જેના કારણે GPSCએ 29 તારીખની પરીક્ષા રદ કરી છે.

29 જાન્યુઆરીએ આ પરીક્ષા લેવાશે  
ગુજરાત પંચાયત સેવા પસંદગી મંડળની જાહેરાત ક્રમાંક 12/2021-22 જુનિયર ક્લાર્ક સંવર્ગની સ્પર્ધાત્મક લેખિત પરીક્ષા તારીખ 08 જાન્યુઆરી 2023ના રોજ યોજાનાર હતી. પરંતુ તે જ દિવસે ગુજરાત જાહેર સેવા આયોગની અન્ય સ્પર્ધાત્મક પરીક્ષા હોવાથી તેની તારીખમાં ફેરફાર કરવામાં આવ્યો છે. જે મુજબ જાહેરાત ક્રમાંક 12/2021-22 જુનિયર ક્લાર્ક સંવર્ગની સ્પર્ધાત્મક લેખિત પરીક્ષા 29 જાન્યુઆરી 2023ને રવિવારના રોજ સવારે 11 વાગ્યે યોજાશે. 

વિદ્યાર્થી નેતા યુવરાજસિંહ જાડેજાએ આપ્યું હતું આવેદન
જુનિયર ક્લાર્ક અને તલાટીની પરીક્ષાની તારીખ બદલવાની માંગ સાથે વિદ્યાર્થી નેતા યુવરાજસિંહ જાડેજાએ ગુજરાત પંચાયત સેવા પસંદગી મંડળને આવેદનપત્ર આપ્યું હતું. જેમાં જણાવવામાં આવ્યું હતું કે, જુનિયર ક્લાર્કની 8 જાન્યુઆરીએ પરીક્ષા યોજાવાની છે, 29 જાન્યુઆરીએ તલાટીની પરીક્ષાનું પણ આયોજન કરવામાં આવી રહ્યું છે. 8 અને 29 જાન્યુઆરીએ GPSCની પરીક્ષા પણ યોજાવાની છે. એક જ દિવસે પરીક્ષા હોવાથી ઉમેદવારો મુશ્કેલીમાં મુકાયા છે. તેથી પરીક્ષાની તારીખ તાત્કાલિક બદલવામાં આવે. 

ABVP દ્વારા તારીખ ફેરબદલ માટે કરાઈ હતી માંગ 
વડોદરામાં ABVP દ્વારા માગ કરવામાં આવી હતી કે, GPSC અને પંચાયત વિભાગની પરીક્ષા એક જ દિવસે યોજવાનું આયોજન છે, જેમાં એક જ તારીખે બંન્ને જુદા જુદા વિભાગની પરીક્ષા હોવાથી વિદ્યાર્થીઓને ભારે મુશ્કેલી સર્જાશે. તેમના કહેવા પ્રમાણે કેટલાય વિદ્યાર્થીઓ છે જે બંન્ને પરીક્ષાઓ આપવા ઈચ્છી રહ્યાં છે પરંતુ બંન્ને પરીક્ષા એક જ તારીખે હોવાથી પરીક્ષાર્થી અસમંજસમાં મુકાયા છે. જેને લઈ સરકાર સમક્ષ માગ કરવામાં હતી કે, તારીખોમાં ફેરબદલ કરવામાં આવે.