ભારતના યુવાનો માટે સરકાર વધુ એક શાનદાર તક લાવી છે. 12 ધોરણ પાસ કરેલ તમામ લોકો હવે સરકારી નોકરીની કેટલીક પોસ્ટ માટે અરજી મુકી શકે છે. સરકારી વિભાગોમાં 3000થી વધુ પદો માટે ભરતી બહાર પડી છે.
આશરે 3000થી વધુ સરકારી ભરતીઓ જાહેર
12 ધોરણ પાસ પણ કરી શકે છે અપ્લાય
વિવિધ સરકારી શાખાઓએ કરી નોટિફિકેશન જારી
ડીઆરડીઓ રિસર્ચ અને ડેવલોપમેન્ટ CEPTAM 10 Admin & Allied Recruitment 2022એ હજાર જેટલી પોસ્ટ માટે ભરતીઓ બહાર પાડી છે. માહિતી અનુસાર અહીં આશરે 1061 પદો માટે નોકરી ખાલી છે. DRDO દ્વારા જારી કરવામાં આવેલ નોટિફિકેશન અનુસાર 7 નવેમ્બરથી આ પદો માટે અરજી શરૂ થશે.
આ પોસ્ટ માટે ભરતી
DRDOએ જૂનિયર ટ્રાંસ્લેટર, સ્ટેનોગ્રાફર ગ્રેડ 2, એડમિનિસ્ટ્રેટિવ અસિસ્ટન્ટ, સ્ટોર અસિસ્ટન્ટ, સિક્યોરિટી અસિસ્ટન્ટ, વ્હીકલ ઓપરેટર, ફાયર એન્જિન ડ્રાઇવર અને ફાયરમેન જેટલી પોસ્ટ માટે વેકેન્સી છે. આ પોસ્ટ માટે ભરતી સંભવત: 7 નવેમ્બરથી શરૂ થશે અને 7 ડિસેમ્બરના રોજ બંધ થશે. જેના માટે અલગ અલગ શૈક્ષણિક યોગ્યતાની માંગણી કરવામાં આવી છે.
NHMમાં પણ વેકેન્સી
રાષ્ટ્રીય સ્વાસ્થ્ય મિશન કર્ણાટકએ કોમ્યૂનિટી હેલ્થ ઓફિસરની પોસ્ટ પર 1000થી વધુ ખાલી જગ્યાઓ માટે જાહેરાત કરી છે. જે પણ ઇચ્છુક કે યોગ્યતા ધરાવતા લોકો હોય તે એનએચએમ કર્ણાટકની ઓફિશિયલ વેબસાઇટ karunadu.karnataka.gov.in પર જઇ ઓનલાઇન અરજી કરી શકે છે. આ પદ માટે અરજી 27 ઓક્ટોબરથી શરૂ થઇ છે જે 8 નવેમ્બરનાં સાંજે 5 વાગ્યા સુધી ખુલ્લી રહેશે.
વનવિભાગમાં પણ ભરતી શરૂ
ઉત્તરાખંડ લોકસેવા આયોગએ વનવિભાગમાં વન આરક્ષકનાં 894 પદો પર ભરતી માટે વેકેન્સી નિકાળી છે. UKPSCની તરફથી જાહેર કરવામાં આવેલ નોટિફિકેશન અનુસાર આ પોસ્ટ માટે અપ્લાય કરવાની છેલ્લી તારીખ 11 નવેમ્બર છે. આ પોસ્ટ માટે સિલેક્શન લેખિત પરીક્ષા બાદ કરવામાં આવશે. લેખિત પરીક્ષા પાસ કરેલ અરજદારોનું શારીરિક ક્ષમતાનું પરિક્ષણ કરવામાં આવશે અને તેમાં પાસ થયેલ લોકોનાં ડોક્યુમેન્ટ્સનું વેરિફિકેશન થશે.
નેશનલ હાઉસિંગ બેંકે કરી જાહેરાત
નેશનલ હાઉસિંગ બેંકએ આસિસ્ટન્ટ મેનેજર સહિત વિવિધ પોસ્ટ માટે ભરતીઓ જાહેર થઇ છે. આ પદો માટે ભરતી 29 ઓક્ટોબરથી શરૂ થઇ ચૂકી છે. ઇચ્છુક અને યોગ્યતા ધરાવતાં લોકો 18 નવેમ્બર સુધી અરજી કરી શકે છે. આ પદો માટે જનરલ/ઓબીસી/ઇડબલ્યૂએસનાં ઉમેદવારોએ 850 રૂપિયા અને એસસી/એસટી ઉમેદવારોએ 175 રૂપિયાનું શુલ્ક ભરવો પડશે.
નેશનલ હાઉસિંગ બેંકે કુલ 27 પોસ્ટ માટે ભરતીઓ જાહેર કરી છે જેમાં અસિસ્ટન્ટ મેનેજર સ્કેલ 1, ચીફ ઇકોનોમિસ્ટ, પ્રોટોકોલ ઓફિસર, જનરલ મેનેજર, ઓફિસર ફોર સુપરવિઝન અને રીઝનલ મેનેજર વગેરે છે.