Google Pixel 6a ને દેશમાં સત્તાવાર રીતે રજૂ કરવામાં આવ્યો છે. ગૂગલે આજે એટલેકે ગુરૂવારે પોતાના આ નવા સ્માર્ટ ફોનની કિંમત અને તૈયારી સંદર્ભે માહિતી આપી છે. આ ફોનને સૌથી પહેલા મેમાં Google I/O દરમ્યાન રજૂ કરવામાં આવ્યું હતુ.
ગુગલે Google Pixel 6a ને દેશમાં સત્તાવાર રીતે રજૂ કર્યો
કંપનીએ હવે દેશમાં પ્રી-બુકિંગની શરૂઆત કરી દીધી
પ્રી-બુકિંગની કિંમત 43,999 રૂપિયા રાખવામાં આવી
ગુગલે બે વર્ષ બાદ કોઈ પિક્સલ સીરીઝ ફોનને લોન્ચ કર્યો
મહત્વનું છે કે ગુગલે બે વર્ષ બાદ દેશમાં કોઈ પિક્સલ સીરીઝ ફોનને લોન્ચ કર્યો છે. આની પહેલા કંપનીએ વર્ષ 2020માં Pixel 4aને લોન્ચ કર્યો હતો. જો કે, Pixel 5 series અને Pixel 6-Pixel 6 Proને ભારતમાં રજૂ કરવામાં આવ્યો નહતો. Google Pixel 6a માટે કંપનીએ હવે દેશમાં પ્રી-બુકિંગની શરૂઆત કરી દીધી છે. જેની કિંમત 43,999 રૂપિયા રાખવામાં આવી છે. જો કે, અત્યારે તેને 39,999 રૂપિયાવાળી સ્પેશિયલ કિંમતમાં બુક કરી શકાય છે. જેનુ વેચાણ ફ્લિપકાર્ટ પરથી 28 જુલાઈથી શરૂ કરવામાં આવશે. જેને માત્ર 6GB + 128GBવાળા સિંગલ વેરિએન્ટમાં રજૂ કરવામાં આવ્યાં છે.
લૉન્ચ ઑફર્સ
ગ્રાહકોને મર્યાદિત સમય માટે એક્સિસ બેંક કાર્ડ્સ અને EMI ટ્રાન્જેક્શન પર 4000 રૂપિયાનુ ઈન્સ્ટન્ટ ડિસ્કાઉન્ટ મળશે.
આ રીતે મર્યાદિત પીરિયડ ઑફર હેઠળ ગ્રાહકોને કોઈ પણ પિક્સલ ડિવાઈસને એક્સચેન્જ કરવાથી 6000 રૂપિયા સુધીનુ ડિસ્કાઉન્ટ મળશે. તો કોઈ બીજુ મૉડલ એક્સચેન્જ કરવાથી ગ્રાહકોને 2000 રૂપિયાનુ ડિસ્કાઉન્ટ મળશે.
ગુગલના નવા સ્માર્ટફોનને ખરીદવાથી ગ્રાહકોને Nest Hub Gen2, Pixel Buds A Series અને Fitbit Inspire 2 4,999 રૂપિયામાં મળશે.
આ નવા ફોનની સાથે YouTube પ્રીમિયમ અને ગુગલ વનનુ ત્રણ મહિનાનુ ફ્રી ટ્રાયલ મળશે.
Google Pixel 6a ના સ્પેસિફિકેશન્સ
આ સ્માર્ટ ફોનમાં ગુગલનુ પોતાનુ Tensor ચિપસેટ આપવામાં આવ્યું છે. આ ફોનમાં 60Hz રિફ્રેશ રેટની સાથે 6.1 - ઈંચ FHD+ OLED ડિસ્પ્લે આપવામાં આવી છે. સ્ક્રીનમાં કૉર્નિંગ ગોરિલ્લા ગ્લાસ 3 કોટિંગ પણ આપવામાં આવી છે. ગુગલના આ ફોનમાં ફાસ્ટ ચાર્જિગ સપોર્ટની સાથે 4,306mAh ની બેટરી આપવામાં આવી છે.