ALERT / ગૂગલે પ્લે સ્ટોરમાંથી હટાવી 2 ખતરનાક ઍપ્સ, એક તો છે ગજબ લોકપ્રિય

• ગુગલ પ્લે સ્ટોરે પોતાના પ્લેટફોર્મ પરથી બે ખતરનાક એપ્સને હટાવી
• એક એપને તો અવાર-નવાર લોકો પ્લે સ્ટોર પર કરતા હોય છે સર્ચ
• આ બંને એપ જોકર માલવેયરથી ગ્રસિત

જોકર મેલવેયર કરશે તમારું નુકસાન

ખરેખર, કંપનીએ જે બે એપ્સને હટાવી છે, તે Smart TV remote અને Halloween Coloring છે. Kaspersky ના સિક્યોરિટી એનાલિસ્ટ તાત્યાના શિશકોવાએ ટ્વિટર દ્વારા આ બંને એપ્સના નામનો ખુલાસો કર્યો છે. શિશકોવાનું કહેવુ છે કે આ એપ જોકર માલવેયરથી ગ્રસિત છે. જોકર માલવેયર એક ખતરનાક અને પોપ્યુલર માલવેયર છે. આ યુઝર્સની જાણકારી વગર તેમને પ્રીમિયમ કન્ટેન્ટ માટે સબ્સક્રાઈબ કરી નાખે છે. રિપોર્ટ મુજબ, તપાસ દરમ્યાન જાણવા મળ્યું કે સ્માર્ટ ટીવી રિમોટ એપમાં resources/assets/kup3x4nowz ફાઈલ અને હેલોવીન કલરિંગ એપમાં q7y4prmugi નામની ફાઈલ છપાઈ હતી. વિચારવા જેવી બાબત એ છે કે એપ્સમાં છુપાયેલી ખતરનાક ફાઈલ એ રીતે એન્ક્રિપ્ટેડ છે કે કોઈ એન્ટીવાયરસની પકડમાં આવશે નહીં.

તાત્કાલિક પોતાના સ્માર્ટફોનમાંથી હટાવી દો

જો તમે Smart TV remote અને Halloween Coloringમાંથી કોઈ પણ એપને ડાઉનલોડ કરી છે અથવા ઉપયોગ કરી રહ્યાં છો તો તેને તાત્કાલિક પોતાના સ્માર્ટફોનમાંથી હટાવી દો. તમારે એવુ પણ ચેક કરવુ પડશે કે આ એપ્સે તમારી મંજૂરી વગર લીધા વગર કોઈ પ્રીમિયમ સર્વિસ માટે સાઈન અપ તો કર્યુ નથી ને.

હજુ થોડા દિવસ પહેલાં હટાવી હતી આ ત્રણ એપ્સ

હજુ થોડાં દિવસ પહેલાં જ  Google એ પ્લે સ્ટોર પરથી ત્રણ ખતરનાક એપ્સને હટાવી હતી. આ એપ્સ યુઝર્સની પ્રાઈવસી અને તેની સુરક્ષા માટે જોખમરૂપ હતી. આ ત્રણેય એપ ફોટો એડિટીંગ સાથે જોડાયેલી છે અને તેના નામ છે- Magic Photo Lab – Photo Editor, Blender Photo Editor-Easy Photo Background Editor અને Pix Photo Motion Edit 2021.  જો આમાંથી કોઈ પણ એપ તમારા ફોનમાં છે તો તાત્કાલિક તેને હટાવી દો.