- DGCA સંસ્થા દ્વારા GoFirstને નોટીસ
- GoFirstને તાત્કાલિક અસરથી ટિકિટ બુક બંધ કરવા આદેશ
- 15 દિવસમાં જવાબ આપવા માટે તાકિદ
નાગરિક ઉડ્ડયન ક્ષેત્રના નિયમનકાર DGCA સંસ્થા દ્વારા GoFirstને તાત્કાલિક અસરથી ટિકિટ બુક બંધ કરવા આદેશ જારી કરવામાં આવ્યો છે. મહત્વનું છે કે DGCA એ એરક્રાફ્ટ નિયમો 1937 હેઠળ સલામત, નિયમિત અને વિશ્વસનીય રીતે ઉડાન ભરવામાં નિષ્ફળતા જણાતા GoFirstને નોટીસ મોકલી આ અંગે 15 દિવસમાં જવાબ આપવા માટે તાકિદ કરવામાં આવી આવી છે.
કારણ બતાવતી નોટિસ ફટકારી
GoFirst દ્વારા સમયાંતરે એકાએક ફ્લાઇટ રદ કરવા રહિત નિર્ણયને પગલે DGCA એ GoFirstને એરપ્રોફ્ટ નિયમો 1937 હેઠળ કારણ બતાવતી નોટિસ ફટકારી છે.આ એરલાઇન્સ વિશ્વસનીય સેવા આપવામા નિષ્ફળ નીવડી હોવાનો DGCA દ્વારા દાવો કરાયો છે. જેને પગલે આ નોટિસના 15 દિવસની અંદર નોટિસનો જવાબ આપવા તાકીદ કરાઈ છે અને આ GoFirst ના આ જવાબ પર એર ઓપરેટર્સ સર્ટિફિકેટ ચાલુ રાખવા મામલે નિર્ણય કરવામાં આવશે. આથી હાલ પૂરતું એર ટિકિટ બુક કરવાનું બંધ કરવા આદેશ જારી કરાયો છે.
GoFirst Airways હાલ નાણાકીય કટોકટીમાં
મહત્વનું છે કે GoFirst Airways હાલ નાણાકીય કટોકટીનો સામનો કરી રહી છે. આ મામલે નેશનલ કંપની લો ટ્રિબ્યુનલને વિનંતી કરી છે કે તે તેને નાદાર જાહેર કરવા માટે દાખલ કરવામાં આવેલી અરજી પર વહેલો નિર્ણય આપે.
