દીકરીઓ નથી સલામત: ફોન આપવાની લાલચે અપહરણ કરી આચર્યુ દુષ્કર્મ

બનાસકાંઠામાં એક યુવતીને ફોન આપવાની લાલચ આપીને યુવકે અપહરણ બાદ આખી રાત દુષ્કર્મ આચર્યાની ઘટના સામે આવી છે. આ ઘટના બનાસકાંઠાના થરાદની છે.

જ્યા યુવતી સાથે આખીરાત દુષ્કર્મ આચર્યા બાદ વહેલી સવારે યુવક યુવતીને ગામમાં ઉતારી ફરાર થયો. બાદમાં પીડિતાએ યુવક વિરૂદ્ધ અપહરણ અને દુષ્કર્મની ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે. 

સમગ્ર ઘટના વિશે જણાવીયે તો થરાદના લુણાલ ગામમાં રહેતા યુવકે ભુરિયા ગામે રહેતી યુવતીને ફોન આપવાની લાલચ આપી બોલેરો કારમાં અપહરણ કર્યુ હતુ. 

બાદમાં યુવક આ યુવતીને લુણાલ ગામની ઝાડીઓમાં લઈ ગયો અને આખી રાત તેના પર દુષ્કર્મ આચર્યુ હતું. આ ઉપરાંત યુવકે યુવતીને જાનથી મારી નાખવાની પણ ધમકી આપી હતી. 

આખી રાત યુવકે યુવતી પર દુષ્કર્મ આચર્યા બાદ વહેલી સવારે પાંચ વાગે યુવક યુવતીને ભુરિયા ગામે ઉતારીને ફરાર થયો હતો. સમગ્ર ઘટનાના મામલે હાલ પોલીસે તપાસ હાથ ધરી છે.