સુરતના કામરેજની સબ જેલમાંથી અંદાજે 4 લાખ રૂપિયાની કિમતનો દારુ મળી આવતા ખળભળાટ.ઘટના બાદ, બંને કોન્સ્ટેબલ અને GRD જવાન ફરાર થઈ જવામાં સફળ.
સુરતની કામરેજ સબ જેલમાં ઝડપાયો દારુ
ગલી-શેરી-મહોલ્લો તો બહુ દૂરની વાત
અંદાજે 4 લાખની કિમતનો વિદેશી દારુ મળ્યો
ગુજરાતમાં નવા સરદારની નવી સરકારના ગૃહમંત્રીને પોતાના વતનની જેલમાંથી જ મોટો પડકાર ફેંકવામાં આવતો હોય તેમ સુરતના કામરેજની સબ જેલમાંથી અંદાજે 4 લાખ રૂપિયાની કિમતનો દારુ મળી આવતા ખળભળાટ મચી ગયો છે. કામરેજ પોલીસ સ્ટેશનની સબ જેલમાં દારુ આવ્યો ક્યાંથી ? તે પણ ચર્ચાનો વિષય બન્યો. જો કે, પોલીસ સ્ટેશનના બે કોન્સ્ટેબલ અને GRD જવાન સામે ગુનો નોંધાયો છે.
ઓન રેકર્ડ નહોતો દારૂનો જથ્થો
રાજ્યના ગૃહ રાજ્ય મંત્રી હર્ષ સંઘવીએ હજુ બુધવારે જ નશીલા પદાર્થ અંગે બાતમી આપવા અને એ અંગે નવી પોલીસીની વાત કરી હતી.સાથોસાથ યુવાઓને નશીલા પદાર્થોથી દૂર રહેવા પણ નસિયત આપી હતી.પરંતુ, પોલીસ વિભાગના જવાનોએ જ ગૃહ રાજ્યમંત્રીની વાતને અણદેખી કરી દીધી. કામરેજ પોલીસ સ્ટેશનની સબ જેલમાંથી રૂપિયા 3. 94 લાખની કિમતના વિદેશી દારૂની 82 પેટીનો જથ્થો ઝડપાયો હતો. ઓન રેકર્ડ દારૂની જથ્થો નહિ દર્શાવાતા એક શંકા ઉત્પન થઇ હતી. આ સંદર્ભે, ગુલાબ અને પીનેશ નામક બે કોન્સ્ટેબલ સામે ગુનો નોંધાયો છે. ઘટના બાદ, બંને કોન્સ્ટેબલ અને GRD જવાન ફરાર થઈ જવામાં સફળ રહ્યા છે.
રક્ષક સામે જ સવાલ
ગુજરાતની દારુબંધી માત્ર' કાગળ પરનો વાઘ' હોવાનું રાજ્ય આખામાં પૂરવાર થઇ રહ્યું છે. શહેરના ગલી-મહોલ્લામાં પણ દારૂનું દૂષણ વ્યાપી ગયું છે ત્યારે, સુરતના કામરેજ પોલીસ મથકની સબ જેલમાં મળી આવેલો મોટી માત્રામાં દારૂનો જથ્થો પોલીસની મીલી-ભગતનું જ પરિણામ હોય શકે છે.આ અંગે તર્ક-વિતર્ક થઇ રહ્યા છે.