મોંઘવારી / 1 જાન્યુઆરીથી મોંઘા થશે તમારા ફ્રિઝ અને એસી, ટેકનિકમાં આવશે આ બદલાવ

• ફ્રિઝ અને એસીની કિંમતોમાં થશે વધારો
• 6000 રૂપિયા સુધી વધી શકે છે કિંમત
• BEE ફાઈવ સ્ટાર રેટિંગ આપવા માટે કરશે નિયમ લાગૂ

બદલાઈ જશે નિર્માણની ટેકનિક

ઉદ્યોગ સંગઠન કન્ઝ્યૂમર ઇલેક્ટ્રોનિક્સ એન્ડ એપ્લાયન્સીસ મેન્યુફેક્ચર્સ એસોસિયેશન (CEAMA)એ કહ્યું કે કંપનીઓને ફ્રિઝ અને એસીમાં કૂલિંગને માટે પારંપરિક ફોમની જગ્યાએ વેક્યૂમ પેનલનો ઉપયોગ કરવો પડશે. આ ઉદ્યોગને માટે એક ચેલેન્જ હશે. આ સિવાય ફ્રોસ્ટ ફ્રી અને ડાયરેક્ટ કૂલિંગમાં એક સ્ટારનો બદલાવ આવશે. CEAMA અધ્યક્ષ કમલ નંદીએ કહ્યું કે એનર્જી એફિશિયન્સી નોર્મ્સમાં જાન્યુઆરીથી બદલાવ આવશે. CEAMA અધ્યક્ષ કમલ નંદીએ કહ્યું કે એનર્જી એફિશિયન્સી નોર્મ્સમાં જાન્યુઆરીથી થઈ રહેલા બદલાવના કારણે ઉદ્યોગને ફાઈવ સ્ટાર રેફ્રિજરેટર્સ લાવવાનું મુશ્કેલ બનશે.

કંપનીઓએ કરવાનું રહેશે ફેક્ટ્રીમાં નવું રોકાણ

આ ટેકનીકને લાવવાને માટે કંપનીઓએ પોતાની ફેક્ટ્રીમાં નવું રોકાણ કરવાનું રહેશે. જો કે હાલ સુધી કોઈ કંપની નવું રોકાણ કરવા ઈચ્છતી નથી. પરંતુ એવું ન કરવાથી કંપનીઓ પોતાના ઉત્પાદો પર ફાઈવ સ્ટાર રેટિંગ નહીં લઈ શકે.

15 ટકા વધ્યું એસીનું વેચાણ

ચાલુ નાણાંકીય વર્ષના પહેલાં ત્રણ મહિનામાં એસીના વેચાણમાં 15 ટકાથી વધારેનો વધારો જોવા મળ્યો છે. આ પહેલાંથી ચાલી રહેલા ગ્રોથ કરતાં 35 ટકા વધારે છે. એસોસિયેશને સરકારને માંગ કરી છે કે એસી પર લાગનારા જીએસટી રેટને ઓછું કરીને 18 ટકાના સ્લેબમાં લઈ જવામાં આવે.

આવું છે અનુમાન

ઈલેક્ટ્રોનિક્સ ઉદ્યોગને 2024-25 સુધીમાં બમણો કરીને 1.48 લાખ કરોડ રૂપિયા થવાનું અનુમાન છે, તેમાં કહેવામાં આવ્યું છે કે ગ્રામીણ ખપતમાં વધારો, બ્રાન્ડ અને ઉત્પાદના મૂલ્યોની એક મોટી રેન્જમાં કારણે તેમાં વધારો મળી શકે તેવી આશા રાખવામાં આવી રહી છે. સિયેમા અને ફ્રોસ્ટ એન્ડ સુલિવનની સંયુક્ત રિપોર્ટના અનુસાર 2018-19માં ઉદ્યોગનો કુલ આંકડો 76400 કરોડ રૂપિયા હતો. તેમાં ઘરેલૂ વિનિર્માણનું યોગદાન 32200 કરોડ રૂપિયા હતી. આ રિપોર્ટમાં એર કંડિશનર, રેફ્રિજરેટર, વોશિંગ મશીન, ટીવી અને ઓડિયો ઉપકરણ પણ સામેલ છે. 

2024-25માં એરકંડીશનિંગ બજારનો આકાર 2018-19ના 65 લાખથી 165 લાખ યૂનિટ સુધી વધારવાની આશા છે. જ્યારે રેફ્રિજરેટર ખંડમાં 2018-19ની 145 લાખ યૂનિટની તુલનામાં 275 લાખ યૂનિટ સુધી ઉત્પાદન વધી શકે છે. આ રીતે ટીવી બજાર પણ 2018-19ની 175 લાખની તુલનામાં 2024-25માં વધીને 284 લાખ યૂનિટ સુધી પહોંચી શકે છે, વોશિંગ મશીનમાં 2018-19ના 70 લાખ યૂનિટથી અલગ પાંચ વર્ષમાં 126 લાખ યૂનિટ સુધી જઈ શકે છે.