લોકસભા ચૂંટણી 2019ના ચોથા તબક્કાનું મતદાન આજે દેશભરમાં યોજાયું હતું. જેમાં 9 રાજ્યોની 71 બેઠકો પર મતદાન થયું હતું. જેમાં બિહારની 5, જમ્મૂ કશ્મીરની 1, ઝારખંડની 3, મધ્યપ્રદેશ અને ઓડિશાની 6-6 બેઠક પર મતદાન થયું હતું. ત્યારે હવે લોકસભાની ચૂંટણી ચોથા તબક્કાનું મતદાન પૂર્ણ થયું છે. સરેરાશ 64 ટકા મતદાન નોંધાયું છે.
જુઓ 6 વાગ્યા સુધી ક્યાં કેટલું મતદાન
બિહાર - 53.67 ટકા
જમ્મુ-કાશ્મીર - 9.79 ટકા
મધ્યપ્રદેશ - 65.86 ટકા
મહારાષ્ટ્ર - 51.44 ટકા
ઓરિસ્સા - 64.05 ટકા
રાજસ્થાન - 63.11 ટકા
ઉત્તર પ્રદેશ - 53.12 ટકા
પશ્ચિમ બંગાળ - 76.63 ટકા
ઝારખંડ - 63.76 ટકા
મુંબઈમાં બોલીવુડ અભિનેતાઓએ કર્યુ વોટિંગ
દેશમાં લોકસભાની ચૂંટણી યોજાઈ છે. ત્યારે મહારાષ્ટ્રના મુંબઈમાં પણ ફિલ્મ અભિનેતાઓ અને અભિનેત્રીઓએ મતદાન કર્યુ.. મુંબઈમાં બોલીવૂડના અભિનેતાઓએ પોતાના મતાધિકારનો ઉપયોગ કરીને ચૂંટણી પર્વમાં ઉત્સાહભેર ભાગ લીધો. અભિનેત્રી ભાગ્યશ્રી, સોનાલી બેન્દ્રે, ટ્વિન્કલ ખન્ના અને અભિનેતા અનુપમ ખેર પણ પોતાના વોટિંગ માટે મતદાન મથકે પહોંચ્યા હતા.. ભાગ્યશ્રી અને સોનાલી બેન્દ્રે જમનાબાઈ સ્કૂલ મતદાન મથકે પહોચ્યા હતા અને મતદાન કર્યુ હતુ. જ્યારે અનુપમ ખેર અને ટ્વીન્કલ ખન્નાએ પણ જૂહૂ મતદાન મથકે પહોંચીને પોતાના મતાધિકારનો ઉપયોગ કર્યો. અહીં વોટિંગ માટે આવેલા તમામ અભિનેતાઓ અને અભિનેત્રીઓએ લોકોને પણ મતદાન કરવા માટે અપીલ કરી હતી. આ સમયે બોલીવૂડના પ્રખ્યાત અભિનતા અમીર ખાન પોતાની પત્ની કિરણ સાથે મતદાન કરવા માટે પહોંચ્યા હતા. અમીર ખાન અને કિરણ સેન્ટ એન્નીસ સ્કૂલ મતદાન મથકે પહોંચ્યા હતા.. અહીં પહોંચીને તેઓ પોતાના મતાધિકારનો ઉપયોગ કર્યો.. અમીર ખાન અને કિરણ મતદાન મથકે પહોંચતા તેમને જોવા માટે લોકોએ પડાપડી કરી હતી.
બંગાળમાં હિંસા
બંગાળના આસનસોલમાં પણ આજરોજ મતદાન યોજાઇ રહ્યું છે. જો કે પશ્ચિમ બંગાળમં મતદાન શરૂ થયાના થોડા જ સમયમાં આસનસોલમાં હિંસા જોવા મળી છે. એક મળતાં અહેવાલ મુજબ આસનસોલ લોકસભા બેઠકના જેમુઆમાં એક મતદાન કેન્દ્ર પર ભાજપ અને તૃણમુલ કોંગ્રેસના કાર્યકર્તાઓ વચ્ચે અથડામણ જોવા મળી છે. બંને પક્ષના કાર્યકર્તાઓ વચ્ચેના ઘર્ષણને જોતાં પોલીસે હળવો લાઠીચાર્જ કર્યો છે.