ચૂંટણી / અમેરિકામાં રાષ્ટ્રપતિ ચૂંટણીની પ્રથમ ડિબેટની તારીખ જાહેર, ટ્રમ્પનો સામનો તેમના કરતા વધું લોકપ્રિય ઉમેદવાર સાથે થશે

• અમેરિકામાં રાષ્ટ્રપતિ પદની ચૂંટણી માટે તૈયારી
• 29 સપ્ટેમ્બરે થશે પહેલી પ્રિસેડેન્શિયલ ડિબેટ
• ઓહિયોના ક્લીવલેન્ડમાં થશે આયોજન
• ડોનાલ્ડ ટ્રમ્પ અને જો બિડેન આવશે આમને-સામને

અમેરિકામાં રાષ્ટ્રપતિ ચૂંટણીને લઇ ટ્રમ્પ અને જો બિડન વચ્ચે પ્રથમ દિબેટ યોજાશે. 29 સપ્ટેમ્બરે હેલ્થ એજ્યૂકેશન કેમ્પસમાં અમેરિકાના રાષ્ટ્રપતિ ડોનાલ્ડ ટ્રમ્પ અને ડેમોક્રેટ્સ પાર્ટીના ઉમેદવાર અને પૂર્વ ઉપરાષ્ટ્રપતિ જો બિડેન વચ્ચે સીધી નિવેદનબાજી થશે. 

First US presidential debate to be held on September 29

Read @ANI Story | https://t.co/KKcoZxrYXZ pic.twitter.com/qZpmUzhQGH

— ANI Digital (@ani_digital) July 28, 2020

ત્યારબાદ બંને નેતા 15 ઓક્ટોબરે ફ્લોરિડાના માયામીમાં ફરી આમને-સામને થશે. જ્યારે ત્રીજી ડિબેટ 22 ઓક્ટોબરે ટેનેસીમાં થશે. આ ઉપરાંત ઉપરાષ્ટ્રપતિ પદ માટે પણ 7 ઓક્ટોબરે ડિબેટ થશે. જેમાં ઉપરાષ્ટ્રપતિ માઇક પેન્સનું મુકાબલો ડેમોક્રેટિક ઉમેદવાર સામે થશે. 

હાલ બિડેને પોતાના ઉપરાષ્ટ્રપતિના ઉમેદવારનું નામ જાહેર નથી કર્યુ. આ તમામ ડિબેટ 90 મિનિટની હશે જે રાતના 9 વાગ્યાથી 10.30 વચ્ચે યોજાશે. મળતી માહિતી મુજબ સર્વેમાં ટ્રમ્પ બિડેનથી પાછળ છે. સર્વે મુજબ બિડેનને 54 ટકા જ્યારે ટ્રમ્પને 44 ટકા લોકોનું સમર્થન છે.