અદ્બૂત: ડૉક્ટરોનો કમાલ, મૃત મહિલાના દાનના ગર્ભાશયથી થયો બાળકનો જન્મ

By : juhiparikh 02:20 PM, 05 December 2018 | Updated : 02:20 PM, 05 December 2018
મેડિકલ હિસ્ટ્રીમાં દુનિયમાં પહેલી વખત એવું બન્યુ છે કે, એક મૃત મહિલાના ડોનરના શરીરમાંથી ગર્ભાશય કાઢીને અન્ય મહિલાને ટ્રાન્સપ્લાન્ટ કરવામાં આવ્યુ અને તે જ ગર્ભાશયમાં મહિલાએ 9 મહિના સુધી બાળકને ધારણ કર્યુ અને હવે તેને સ્વસ્થ બાળકને જન્મ પણ આપ્યો છે. રિપોર્ટ અનુસાર બ્રાઝિલના સાઓ પોલોમાં આ ઘટના બની છે.  

એક રિપોર્ટ અનુસાર, સપ્ટેમ્બર 2018માં અહીં આ ખૂબ જ મહત્વૂર્ણ ઓપરેશન પાર પાડવામાં આવ્યુ હતુ. જેમાં એક મૃત મહિલાનું ગર્ભાશય એક સ્વસ્થ મહિલામાં લગાવવામાં આવ્યુ હતુ. જે પછી ડિસેમ્બર 2017માં આ મહિલાએ એક સ્વસ્થ બાળકીને જન્મ આપ્યો હતો. 

ગર્ભાશય ટ્રાન્સપ્લાન્ટના 7 મહિના પછી ફર્ટિલાઇઝ્ડ એગ્સ આ મહિલાના ગર્ભાશયમાં આરોપીત કરાયુ અને 10 દિવસ પછી ડોક્ટર્સે કહ્યુ કે, મહિલા સફળતાપૂર્વક ગર્ભવતી બની ચૂકી છે. 9 મહિના સુધી પ્રેગ્નેન્સી બાદ તેને સીઝેરિયન દ્વારા એક સ્વસ્થ બાળકને જન્મ આપ્યો હતો. આ બેબી ગર્લનું વજન અઢી કિલો હતુ. આ રિપોર્ટ ત્યારે આવ્યો જ્યારે બાલકી 7 મહિના અને 12 દિવસની હતી. જે બ્રેસ્ટ ફીડિંગ પણ કરતી હતી અને 7.2 કિગ્રા વજન ધરાવતી હતી. 

ગર્ભાશયનું આ સફળ ટ્રાન્સપ્લાન્ટ ઓપરેશન હજરો મહિલાઓ માટે આશાનું એક કિરણ લઇને આવ્યુ છે જેથી જે મહિલાઓ ગર્ભાશયની બિમારીને કારણે બાળકની માતા ન બની શકે તેમ હોય તેઓનો ઇલાજ કરી શકાય છે. હાલમાં આ સમસ્યાથી જોડાયેલ મહિલાઓ પાસે બે રસ્તા છે, ક્યાંય તો બાળક દત્તક લે અથવા તો સરોગેસીની સહારો લે. 

આ પહેલા સ્વીડનમાં 2014માં પહેલીવાર ગર્ભાશય ટ્રાન્સપ્લાન્ટ દ્વારા સ્વસ્થ બાળક જન્મ્યુ હતુ. જોકે આ કિસ્સામાં ગર્ભાશય ડોનેટ કરનાર મહિલા જીવતી હતી, તે પછી 10 આવા કેસ જોવા મળ્યા હતા. જેમાં ગર્ભાશય ટ્રાન્સપ્લાન્ટ સફળ રહ્યુ છે અને બાળકને જન્મ પણ થયો છે. જેથી હવે ડોક્ટર્સ મૃત મહિલા ડોનર્સના ગર્ભાશય જરૂરિયાતમંદ મહિલાઓમાં ટ્રાન્સપ્લાન્ટ કરવાની પ્રોસિસર અંગે વિચારી રહ્યા છે.



Recent Story

Popular Story