ભયાનક દ્રશ્યો / VIDEO: આગના ગોળામાં ફેરવાઇ ગઈ 42 માળની ગગનચુંબી ઈમારત, વીડિયો જોઈને રૂંવાડા ઊભા થઈ જશે

• ચીનના ચાંગ્શા શહેરમાં આગ 
• 42 માળની બિલ્ડિંગમાં લાગી આગ 
• બિલ્ડિંગમાં હતી ટેલિકોમ કંપનીની ઓફિસ 

ચીનના ચાંગ્શા શહેરમાં આગ 

શુક્રવારે એટલે કે 16 સપ્ટેમ્બરનાં રોજ ચીનના ચાંગ્શા શહેરમાં એક ગગનચુંબી ઇમારતમાં ભીષણ આગ લાગી ગઈ છે. રાજ્ય મીડિયા જણાવે છે કે ઇજાગ્રસ્તોની સંખ્યા હાલમાં અજ્ઞાત છે.  જાણવા મળ્યું છે કે ઘટનાસ્થળથી ઘુમાડો નીકળી રહ્યો છે અને કેટલાક ડઝન માળ ખરાબ રીતે બળી રહ્યા છે. આ સાથે જ જણાવવામાં આવ્યું છે કે ફાયર ફાયટર્સે આગ બુઝાવવા અને ઘટનાસ્થળ પર બચાવ કાર્યની શરૂઆત કરી દીધી છે. 

This afternoon, the building of China Telecom building in Changsha长沙caught fire, no casualties reported yet, stay safe everyone! 🙏 pic.twitter.com/QNnezk2Mxk

— China in Pictures (@tongbingxue) September 16, 2022

બિલ્ડિંગમાં હતી ટેલિકોમ કંપનીની ઓફિસ 
રિપોર્ટમાં જણાવવામાં આવ્યું છે કે આગે એક ઊંચી ઇમારતને બાળીને રાખ કરી દીધી છે. આ બિલ્ડિંગમાં રાજ્યના સ્વામિત્વવાળી ટેલિકોમ કંપની ચાઈન ટેલિકોમનું કાર્યાલય પણ હતું. સીસીટીવી દ્વારા જાહેર એક તસવીરમાં શહેરના એક નિર્મિત ક્ષેત્રમાં ઇમારતની વચ્ચેથી આગની લપટો જોવા મળી રહી છે અને કાળો ધુમાડો આકાશ આંબી રહ્યો છે. 

એક કરોડ છે ચાંગ્શા શહેરની આબાદી 
હુનાનના દમકલ વિભાગે જણાવ્યું કે પ્રારંભિક તપાસમાં જાણ થઈ કે 42 માળની ઇમારતની બહારની દીવાલમાં આગ લાગી ગઈ છે. આ સાથે જ જણાવવામાં આવ્યું કે હાલમાં આગ બુઝાવવામાં આવી છે અને કોઈ નુકસાન થયું નથી. જણાવી દઇએ કે હુનાન પ્રાંતની રાજધાની ચાંગ્શાની આબાદી લગભગ એક કરોડ છે. 

36 ફાયર ટ્રક અને 280 ફાયર ફાઈટર્સ

મીડિયા રિપોર્ટ્સ અનુસાર, આગ પર કાબૂ મેળવવા માટે 36 ફાયર વિભાગની ગાડીઓ અને 280 ફાયરકર્મી સ્થળ પર તૈનાત છે. એક સ્થાનિક સમાચાર અનુસાર, સોશિયલ મીડિયા પર પોસ્ટ કરવામાં આવેલા વીડિયોમાં એવું પણ દેખાય છે કે, ટાવરની બહારનો આખો ભાગ બળીને રાખ થઈ જતાં કાળો થઈ ગયો છે.