લંપટ સાધુ / વિવાદીત નિત્યાનંદ ઉપર અમદાવાદમાં અપહરણનો કેસ, નેતાથી લઈ અભિનેતા સુધી છે સ્વામીના કનેકશન!

• નિત્યાનંદ સ્વામી સામે પોલીસ ફરિયાદ
• હીરાપુર આશ્રમ સામે પણ ફરિયાદ
• પોલીસ ત્વરીત પગલા લે તેવી માંગ

હીરાપુર આશ્રમથી અપહરણ કર્યાની ફરિયાદ નોંધાવવામાં આવી છે આ અંગે પોલીસ તુરંત જ પગલા લે તેવી પણ પરિવારે અરજી કરી છે. જો કે ગઈ કાલે પોલીસે તપાસ કરી હતી જેમાં ભીનું સંકેલી લેવાનો પ્રયાસ થયો હોવાના ખુદ પોલીસ ઉપર પણ આક્ષેપ થઈ રહ્યા છે. બેંગલુરુ આશ્રમમાં ભક્ત તરીકે જોડાએલા પરિવારનો આ મામલો હવે સાર્વજનીક બની ગયો છે. આ પરિવારની ત્રણ દીકરી અને એક દીકરો ચારેય માતા-પિતા પાસેથી છીનવીને જબરજસ્તી અવળા માર્ગે લઈ જવાનો પરિવારે નિત્યાનંદ સ્વામી ઉપર આરોપ લગાવ્યો છે. 

શું છે મામલો 

નિત્યાનંદના અમદાવાદના આશ્રમમાંથી એક પરિવારના ચાર બાળકો જેમાં 3 દીકરી અને 1 દીકરો છેલ્લા છ મહિનાથી ગોંધી રખાયા હતા. જેમાંથી ચાઈલ્ડ વેલફેર અને પોલીસની મદદથી પરિવારે સગીર ઉમંરનો દીકરો અને દીકરી છોડાવ્યા પણ 18 વર્ષની અને 21 વર્ષની દીકરીને છોડાવવામાં નિષ્ફળ રહ્યા હતા. તેમની સાથે ફેસબુક માધ્યમથી વાત કરાવી દેવાઈ હતી. પણ પછીથી દીકરીનો એક વીડિયો સામે આવ્યો હતો જેમાં તેની સાથે શારીરિક અડપલા થઈ રહ્યા હોવાનુ તે કહી રહી હતી. ત્યાર બાદ પરિવાર દ્વારા પોલીસ અને વેલફેરના લોકોની મદદથી આશ્રમમાં દીકરીની શોધ ખોળ કરાઈ હતી પરંતુ હવે એ દીકરી ગુમ થઈ જતા સમગ્ર તંત્ર દોડતુ થઈ ગયુ છે. 

કોણ છે નિત્યાનંદ

તામિલનાડુનો નિત્યાનંદ સ્વામી અનેક વાર વિવાદોમાં ઘેરાઈ ચુક્યો છે પોતાના અનુયાયીઓ સાથે કામલીલા માટે આ બાબા કુખ્યાત છે તેના ઉપર પોલીસ ચોપડે થોકબંધ કેસ બોલે છે. પરંતુ તેમ છતાં તેના આંધળા અનુયાયીઓને કારણે તેને હંમેશા નવા શિકાર મળતા રહે છે આ વખતે બાબા ગુજરાતમાં ભુલો પડ્યો છે અને અમદાવાદમાંથી યુવતી ગાયબ થઈ છે. અગાઉ અભિનેત્રી સાથેના સેક્સ સીડીકાંડને કારણે બાબો ઘેરઘેર જાણીતો બન્યો હતો. 

બહુ ગાજેલા સેક્સ સીડીકાંડને કારણે હાલપણ જ્યારે ફેક બાબાઓની યાદી બને છે ત્યારે સ્વામી નિત્યાનંદનું નામ પણ તેમાં સામેલ હોય છે. સેક્સ સીડીકાંડને કારણે વિવાદ સર્જાયો હતો. બેંગલુરુમાં આશ્રમમાં નિત્યાનંદ અને સાધ્વીની સીડી બની હતી. સેક્સ સીડી બાદ નિત્યાનંદને જેલની સજા થઇ હતી. નિત્યાંનદ સામે બળાત્કાર જેવો ગંભીર આરોપ પણ છે. 

શું કહે છે પોલીસ?

નિત્યાનંદ આશ્રમમાંથી યુવતી ગુમ મામલે અમદાવાદ ગ્રામ્ય DySP સમીર સારડાએ નિવેદન આપ્યું છે.અમદાવાદ ગ્રામ્ય DySPએ કહ્યું કે તમિલનાડુના જનાર્દન શર્માની આશ્રમ વિરુદ્ધ ફરિયાદ મળી હતી. અને આશ્રમ સામે ચાઇલ્ડ વેલ્ફેર કમિટીએ અરજી આપી હતી. જેને લઇ તપાસ કરવામાં આવી. આશ્રમની અંદર 3 બાળકો હતા એક દીકરી જે 19 વર્ષની છે જેનું નિવેદન લેવાયું છે. અને 2 સગીર બાળકો હતા જેમને તેમના માતા-પિતા સાથે મોકલાયા છે. પોલીસના કહેવા મુજબ આશ્રમમાં કોઇ ગેરરીતિ સામે નથી આવી. અને સ્વામી નિત્યાનંદ સામે પણ કોઇ અરજી નથી મળી. અને 40 બાળકોને ગોંધી રખાયા હોય તેવું પણ કંઇ સામે નથી આવ્યું.

આશ્રમમાં કુલ 37 બાળકો

પોલીસ નિત્યાનંદ આશ્રમના સંચાલકોની પૂછપરછ કરી છે પોલીસનું કહેવું છે કે, આશ્રમમાં કુલ 37 બાળકો છે. મહિલા પોલીસ અધિકારીની હાજરીમાં નિવેદન લેવાયા છે. સોશિયલ મીડિયાના માધ્યમથી યુવતીની પૂછપરછ કરવામાં આવી છે. આશ્રમ સંચાલકો અને વકીલની હાજરીમાં પૂછપરછ કરવામાં આવી છે. 

DPS મામલે પોલીસે કર્યા ખુલાસા

યુવતીએ આશ્રમ સાથે જ રહેવાની ઇચ્છા દર્શાવી છે. યુવતીના પિતા ભૂતકાળમાં આશ્રમ સાથે સંકળાયેલા હતા. ગેરરીતિના આક્ષેપ બાદ આશ્રમથી દૂર કરાયા હતા. આશ્રમમાં બાળકોને આધ્યાત્મિક શિક્ષણ અપાય છે. DPS સ્કૂલ અને નિત્યાનંદ યુનિવર્સિટી સાથે જોડાયેલું છે. આશ્રમના બાળકોને DPSમાં જ શિક્ષણ અપાય છે. 

નિત્યાનંદ આશ્રમમાંથી ગુમ યુવતી અંગે CMને જાણ કરાઈ

નિત્યાનંદ આશ્રમમાંથી યુવતી ગુમ થવાને મામલામાં CM રૂપાણીએ પણ સમગ્ર મામલાની જાણકારી લીધી છે. મહિલા-બાળ કલ્યાણ વિકાસ વિભાગે CMને જાણ કરી છે. ઘટના મુદ્દે CM વિજય રૂપાણીને માહિતી અપાઇ. મહિલા-બાળ કલ્યાણ વિકાસ વિભાગે તપાસના આદેશ આપ્યા છે. ચાઇલ્ડ વેલ્ફેર કમિટીને તાત્કાલિક રિપોર્ટ સોંપવા આદેશ આપવામાં આવ્યા છે. યુવતીના પરિવારે યુવતી ગુમ થવાનો આરોપ કર્યો છે પરિવારે આશ્રમમાં બાળકોને ગોંધી રાખવાનો પણ આરોપ છે.  

DEOએ આપ્યા તપાસના આદેશ

DEO કહ્યુ હતુ કે, સ્કૂલની બિલ્ડિંગમાં આશ્રમ ના ચલાવી શકાય. અમે રૂબરૂ સ્કૂલ પર જઇ તમામ મુદ્દે તપાસ કરીશુ. સ્કૂલના પ્રિન્સિપાલ સાથે મેં વાત કરી તેઓએ આશ્રમ સાથે કઇ લેવા દેવા નથી તેવું કહ્યું છે. DEO જો સ્કૂલના કેમ્પસમાં કે બિલ્ડિંગમાં આશ્રમ જણાશે તો CBSE ને આ વાતનું ધ્યાન દોરશે. જો સ્કૂલની પ્રોપર્ટીમાં આશ્રમ જણાશે તો ગુજરાત સરકાર ને પણ લખીને જાણ કરશે.